Ձեր վստահելի աղբյուրը

«Հին Երևան» նախագիծը  ի սկզբանե  մշակույթի մարդկանց  ու մասնագիտական  շրջանակների  կողմից միանշանակ չի ընդունվում:  Ոմանք չեն հավատում, որ խիստ ծախսատար այդ նախագիծը  կյանքի կկոչվի, ոմանք էլ անիմաստ են համարում կորսված  ու քանդած  պատմության և մշակույթի հուշարձանների տեղափոխման եղանակով  հին Երևանի պատմաճարտարապետական  միջավայրի վերականգնումը: 

«Առավոտ»-ի հետ զրույցում  նկարիչ, «Սարգիս Մուրադյան»  պատկերասրահի տնօրեն  Զարուհի Մուրադյանն  ասել է,  որ թեև քաջածանոթ չէ «Հին Երևան» նախագծին , բայց սկզբունքորեն դեմ է  շենքը քանդել, հետո ուրիշ տեղ տանել հավաքելուն:

«Իսկ ամենաշատը դեմ եմ  ֆասադացավին, դրանցից հետո շենքից ոչինչ չի մնում: Նույնը հիմա Իսահակյանի գրադարանի պարագայում է՝ ո՞վ է հասկանալու դա ինչ է, ուղղակի ցույց ենք տալու, որ այսպես կարողանում ենք կառուցե՞լ:  Նպատակը ո՞րն է»,- նեղսրտել է սրվեստագետը:

Նա մտահոգված է և այլ արվեստագետների  հետ միասին ցանկանում է, որ գոնե Աբովյան-Պուշկին-Նալբանդյան անկյունը  պահպանվի, այլապես զբոսաշրջիկներին  ցույց տալու բան չենք ունենա: Ինչ վերաբերում է Հյուսիսային պողոտային, այն Զարուհի  Մուրադյանը մեր ժամանակների սարսափ է համարում: