Ձեր վստահելի աղբյուրը

«Շատ լավ է, որ ընդունում են մեր առաջարկները, ուրեմն մենք մյուս ուժերի հետ միասին կբանակցենք, կբանակցենք նաև քաղաքացիական հասարակության հետ ու ցուցակը կներկայացնենք իշխանություններին», -այսօր լրագրողների հետ ճեպազրույցում հայտարարեց ԱԺ ՀԱԿ խմբակցության ղեկավար Լևոն Զուրաբյանը:

Ավելի վաղ Panorama.am-ը տեղեկացրել էր, որ ԱԺ պետական-իրավական հարցերի մշտական հանձնաժողովում Ընտրական օրենսգրքի վերաբերյալ խորհրդարանական լսումների ժամանակ Զուրաբյանը  բանակցություններ անցկացնելու առաջարկություն էր արել, և օրինագիծը ներկայացնող Դավիթ Հարությունյանը ընդունել էր: Բանակցությունների ֆորմատը՝ 4 անձ իշխանությունից, 4-ը՝ ընդդիմությունից, 4՝ քաղաքացիական հասարակությունից (4+4+4):

«Լայն հասարակական կոնսենսուսի ձևավորում ենք սպասում այդ քննարկումներից: Ստեղծվում է մի ճնշում, որը կարող է կոտրել իշխանական դիմադրության պատը: Եթե այդ ճնշումը չլինի, իրենք անդրդվելի են», -ակնկալիքները ներկայացրեց Զուրաբյանը: