Ձեր վստահելի աղբյուրը

Իլհամ Ալիևը, ում ՆԱՏՕ-ի Ուելսյան գագաթաժողովի ժամանակ կազմակերպված Հայաստան-ԱՄՆ-Ադրբեջան եռակողմ հանդիպումից առաջ չէր ճանաչել ԱՄՆ Պետքարտուղար Ջոն Քերրին, այս անգամ շատ ուրախ էր Վաշինգտոնում Քերրիին հանդիպելու և լուսանկարվելու հնարավորություն ունենալու համար:

Ադրբեջանի նախագահը, համաձայն Պետքարտուղարության տարածած հաղորդագրության, այնքան էր ոգևորվել բարձրաստիճան ընդունելության արժանանալու համար, որ որոշել էր անձամբ և միայնակ վերաձևակերպել վերջին տասնամյակում միջազգային իրավունքի զարգացող նորմերը և հետ շրջել պատմության անիվը նորանկախ Արևելյան Թիմորի, Կոսովոյի և Հարավային Սուդանի համար: Հանդիպումից հետո ԶԼՄ ներկայացուցիչների համար հայտարարությունների ժամանակ Ադրբեջանի նախագահն ասել է, որ Լեռնային Ղարաբաղի հակամարտությունը, ինչպես նաև «հետխորհրդային տարածքի և ամբողջ աշխարհի բոլոր հակամարտությունները պետք է կարգավորվեն երկրների տարածքային ամբողջականության շրջանակներում»:

Քերրի-Ալիև հանդիպմանը զուգահեռ Հարվարդի Քեննեդու անվան կառավարման դպրոցում Նախագահ Սարգսյանը հանդես էր գալիս դասախոսությամբ, որտեղ անուղղակի պատասխանեց Ալիևին. «Մենք առերեսվել ենք մի իրավիճակի, որտեղ բանակցությունների մասին մեր հարևան պետության ընկալումները շատ հեռու են ժամանակակից պատկերացումներից»:

 

— Narek Nikoghosyan (@NNarek) March 30, 2016

Reuters գործակալության հաղորդմամբ, Քերրին այս հանդիպմանը կրկին անգամ կոչ էր արել բանակցությունների միջոցով «վերջնական կարգավորում» գտնել ղարաբաղյան հակամարտությանը:

— Reuters Top News (@Reuters) March 31, 2016

ԱՄՆ Պետքարտուղարի հետ հանդիպման նախապատրաստական աշխատանքներում Ալիևը որոշել էր նաև մի քանի քաղբանտարկյալների ազատ արձակել, և Քերրին ողջունեց այդ քայլը: Սակայն այս հանդիպումից մեկ օր առաջ օդանավակայանում կալանավորվել էր նախորդ տարի Նոբելյան մրցանակի հավակնորդ Աքրամ Այլիսլիին, ով մեկնում էր Եվրոպա միջազգային գրական միջոցառման մասնակցելու համար: Index on Censorship-ը այս ամիս առաջին անգամ անգլերեն լեզվով հրապարակելու է այժմ հալածյալ գրողի նոր ստեղծագործությունը՝ անգլերեն լեզվով:

— Index on Censorship (@IndexCensorship) March 31, 2016

Ադրբեջանում 12 տարվա ազատազրկման դատապարտված և շուրջ մեկ տարի թաքնվելուց հետո Շվեյցարիայի ԱԳ նախարար Դիդյե Բուրկհալթերի անձնական միջամտությամբ 2015-ի հունիսին Բաքվից ինքնաթիռով փախուստի դիմած Էմին Հուսեյնովը Foreign Policy ամսագրում ասել է այն, ինչ հավանաբար Քերրին չէր կարող ասել Ալիևի հետ հանդիպմանը:

— Foreign Policy (@ForeignPolicy) March 30, 2016

ԵԱՀԿ Մինսկի խմբում ամերիկացի համանախագահ դեսպան Ջեյմս Ուորլիքը, ով փետրվարին մասնակցել էր Ադրբեջանի կողմից կազմակերպված 1992թ Աղդամի դեպքերի ոգեկոչման հակահայկական միջոցառմանը, և ապա իր մյուս գործընկերների հետ առաջարկել էր կրոնական տոների օրերին հարգել 1994թ կնքված հրադադարի ռեժիմը, մարտի 30-ի գիշերը՝ Ալիև-Քերրի հանդիպումից հետո հայ-ադրբեջանական միջազգային սահմանին հայ ժամկետային զինծառայողի վիրավորվելու մասին դեռ ոչինչ չի ասել:

— James Warlick (@AmbJamesWarlick) February 25, 2016

— OSCEChair'16|Germany (@GER_OSCE) March 21, 2016