Ձեր վստահելի աղբյուրը

Ռուսաստանի ԱԳ նախարար Սերգեյ Լավրովը և ԱՄՆ Պետքարտուղար Ջոն Քերրին երեկ երեկոյան ունեցած հեռախոսազրույցի ընթացքում պայմանավորվել են, որ Լեռնային Ղարաբաղում իրավիճակը պետք է քննարկվի այսօր Ավստրիայի մայրաքաղաք Վիեննայում Մինսկի խմբի համանախագահների հանդիպմանը:

Այս մասին Twitter իր միկրոբոլգում գրել է Միացյալ Թագավորությունում ՌԴ դեսպան Ալեքսանդր Յակովենկոն:

Lavrov-@JohnKerry: Nagorno-Karabakh conflict to be discussed today by Minsk Group (Rus, Us, France) and the OSCE pic.twitter.com/KbdPR7o4r3

— Alexander Yakovenko (@Amb_Yakovenko) April 5, 2016

Ապրիլի 4-ին Պետքարտուղարության խոսնակ Մարկ Թոները լրագրողների հետ բրիֆինգի ընթացքում հաստատել է Լավրով-Քերրի հեռախոսազրույցի փաստը և նշել, որ Միացյալ Նահանգները նույնպես կոչ են անում անհապաղ դադարեցնել ռազմական գործողությունները Լեռնային Ղարաբաղի և Ադրբեջանի միջև, որոնք սկսվել էին ապրիլի 2-ի գիշերը Ադրբեջանի զինված ուժերի նախահարձակ գործողությունների հետևանքով:

Թոները նաև վկայակոչել է հակամարտության լարվածության կապակցությամբ ԱՄՆ պետքարտուղար Ջոն Քերիի հայտարարությունը։

«Մենք արդեն հայտարարել ենք, որ մտահոգված ենք բռնություների աճի կապակցությամբ: Վերջին հաշվով, երկու պետությունների ղեկավարները՝  Հայաստանի և Ադրբեջանի նախագահները պետք է քաղաքական կամք դրսևորեն հրադադարի մասին համաձայնության և հարատև խաղաղության հասնելու համար։ Որպես ԵԱՀԿ Մինսկի խմբի համանախագահող երկիր՝  պատրաստ ենք ջանքեր ներդնել երկու կողմերին բանակցային գործընթացում կրկին ներգրավելու համար»,- հայտարարել է Թոները։