Ձեր վստահելի աղբյուրը

Հայկական կողմն ամեն օր պատրաստվել է, սպասել է, որ հակառակորդի կողմից նման գործողություններ կլինեն՝ հաշվի առնելով Ադրբեջանի այն բանավոր ու գրավոր հայտարարությունները, թե ինչքան զենք են կուտակում: Լրագրողների հետ հանդիպման ժամանակ ասաց Հայաստանի Գրողների միության նախագահ Էդուարդ Միլիտոնյանը:

Նա նշեց, որ հայկական պաշտպանական ուժերը հրաշալի հակահարված են տալիս հակառակորդին, ինչը ցույց է տալիս, որ հայի ոգին անկոտրում է:

«Նրանք խաղ են անում կրակի հետ՝ հայտարարելով, թե նաև գնդակոծելու են Ստեփանակերտը: Սա նշանակում է, որ չափը կորցնում են, փորձում են լայնացնել պատերազմի դաշտը, իսկ դա արդեն կլինի մեծ աղետ ոչ միայն Հայաստանի, Արցախի, Ադրբեջանի համար, այլ նաև տարածաշրջանի»,- ասաց Է.Միլիտոնյանը՝ հավելելով, որ Ադրբեջանի կարճամիտ ղեկավարությունը և հոգեբանորեն ընկճված Էրդողանը պատրաստ են ամեն ինչի՝ պահպանելու համար իրենց իշխանությունը:

Է.Միլիտոնյանն ասաց, որ Գրողների միությունն ուղերձ է պատրաստել հղելու միջազգային հանրությանը՝ նշելով, որ Ադրբեջանն ու Թուրքիան ահաբեկչական գործողություններ են իրականացնում:

«Հավատում եմ, որ աշխարհի առողջ դատողությունը պետք է գործի: Վերջին օրերի հայտարարությունները գնահատում ենք, բայց պետք է պահանջենք անցնեն իրական ճնշման, որովհետև այս երկու ահաբեկիչ պետություններն այսպես շարունակելու դեպքում խաղ են անելու նաև աշխարհի բախտի հետ: Մենք ոչ թե խնդրում ենք, որ մեզ խաղաղություն պարգևեն, այլ իրենք պետք է հասկանան, որ այդ պետությունները վտանգ են աշխարհի համար»,- ասաց նա:

Ըստ Է.Միլիտոնյանի, կարելի է քարոզչական փոքրիկ գեղարվեստական ֆիլմերի միջոցով աշխարհին ներկայացնել այդ երկրների գործողությունների ահաբեկչական բնույթը:

Ասուլիսին ներկա Հայաստանի Նկարիչների միության նախագահ Կարեն Աղամյանը նշեց, որ հայ ազգի ոգին շատ բարձր է, իսկ հաղթանակը գալիս է ոչ միայն զենքով ու բարձր տեխնոլոգիաներով, այլ ոգով:

«Դժվար իրավիճակ է, բայց մեր զինվորները չեն կոտրվել: Մեր կամավորները, երկրապահները գնում են ու կանգնում երիտասարդ զինվորների առջև: Ադրբեջանցին, թուրքը նման բան չի անի, նրանք փախչող ժողովուրդ են, քոչվոր են, այնպես որ պարտվելու են»,- նշեց նա: