Ձեր վստահելի աղբյուրը

Ղարաբաղի ժողովուրդը չի ցանկանում պատերազմ: Գերմանիայի կանցլեր Անգելա Մերկելի հետ համատեղ ասուլիսում հայտարարեց ՀՀ նախագահ Սերժ Սարգսյանը:

«Ղարաբաղի ժողովուրդն ուզում է պարզ և հասկանալի մի բան, որի համար միշտ պայքարել են գաղութացված մյուս ժողովուրդները: Նրանք ուզում են ինքնուրույն տնօրինել իրենց ճակատագիրը և ազատ կերտել իրենց ապագան: Նրանք ցանկանում են, որ իրենց երեխաները խաղաղ և երջանիկ մանկություն ունենան, ուզում են ապրել ժողովրդավարական պետության մեջ, նրանք այլ ցանկություն չունեն»,-ասաց ՀՀ նախագահը:

Սերժ Սարգսյանն ընդգծեց, որ արդեն շուրջ 30 տարի՝  1988-ից հետո, Ղարաբաղի ժողովուրդն ամեն օր ստիպված է պայքարել այդ ազատության համար, ամեն օր ապացուցել այլ ժողովուրդների հետ իր իրավունքների հավասարությունը:

«Եվ նրանց իրոք հաջողվեց պարտադրված պատերազմի, ապօրինի շրջափակման և փխրուն զինադադարի անվերջ խախտման պայմաններում անել այդ ուղղությամբ ճիշտ քայելր: Միջազգային հանրությունից նրանք ակնկալում են միայն մի բան՝ իրենց այդ իրավունքի ճանաչում: Այս մասին եմ պատմել տիկին կանցլերին, ով քաջատեղյակ է այդ մարտնչող ժողովրդի նորագույն պատմության մանրամասներին»,-ասաց ՀՀ նախագահը:

Հիշեցնենք, որ ապրիլի 6-7-ը  Նախագահ Սերժ Սարգսյանը  պաշտոնական այցով  Գերմանիայի Դաշնային Հանրապետությունում է: