Ռազմական տեխնիկայի արդիականացան ծրագրի մաս է կազմում սեփական ռազմարդյունաբերության ոլորտի զարգացումը. նախարար

Քաղաքական 18:21 06/04/2016 Հայաստան

Ռազմական տեխնիկայի արդիականացան ծրագրի մաս է կազմում սեփական ռազմարդյունաբերության ոլորտի զարգացումը. նախարար

«Վերջին տարիներին մեր կատարած աշխատանքը բերել է նրան, որ անցել ենք Զինված ուժերի զարգացման երկրորդ ժամանակահատվածին, որի շրջանակում մենք իրականցնում ենք սպառազինության, ռազմական տեխնիկայի արդիականացան, համալրման 2016-2020 թվականների ծրագիրը»,-Ազգային ժողովում կառավարության հետ հարցուպատասխանի ժամանակ ասաց պաշտպանության նախարար Սեյրան Օհանյանը՝ պատասխանելով ՕԵԿ-ական պատգամավոր Մհեր Շահգելդյանի հարցին, թե ռազմական արդյունաբերության ոլորտում ի՞նչ նոր մոտեցումներ, պլաններ, նախագծեր ունի կառավարությունը, որոնք բերելու են նրան, որ բանակը համալրվի տեղում արտադրված զենք, զինամթերքով:

Նախարարն ասաց, որ այդ ծրագրի մաս է կազմում սեփական ռազմական արդյունաբերության ոլորտի զարգացումը: Ս.Օհանյանի խոսքով, մշակված է հայեցակարգ, միջոցառումների ցանկ, որը քննարկվել է տարբեր օղակներում, ստեղծվել է ռազմական արդյունաբերության կոմիտե, արվում են համապատասխան աշխատանքներ:

«Հակառակորդին դիմագրավելու համար անընդհատ պետք է կատարելագործել, ձեռք բերել ժամանակակից տեխնոլոգիաներով ռազմական տեխնիկա: Բոլոր ուղղություններով, որտեղ հակառակորդն ունի առավելություններ, ունենք համապատասխան մշակված տեխնոլոգիաներ, անհրաժեշտ աշխատանքներն իրականացվում են»,- նշեց պաշտպանության նախարարը:

Հարակից հրապարակումներ`

Ամեն զենք ունի իր դեմ հակազդելու միջոցները, բայց պետք է դրա վրա աշխատել. Կ. Վարդանյան

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: