Ձեր վստահելի աղբյուրը

Ղարաբաղա-ադրբեջանական շփման գծում այս օրերին ընթացող ռազմական գործողություններից ակնհայտ է, որ պատերազմը բարձր տեխնոլոգիական ոլորտ է անցում կատարում: Միջազգային և անվտանգության հարցերի հայկական ինստիտուտում  «Ղարաբաղյան թեժացում. հետևություններ և անելիքներ» փորձագիտական կլոր սեղանի ժամանակ ասաց տեղեկատվան անվտանգության հարցերով փորձագետ Սամվել Մարտիրոսյանը:

«Փորձը ցույց է տալիս, որ բարձր տեխնոլոգիաների կիրառման դեպքում ավելի դժվար է կանխել ռազմական գործողությունները»,- նշեց նա:

Ս.Մարտիրոսյանի խոսքով, ժամանակն է, որպեսզի Հայաստանում ռազմարդյունաբերության ոլորտ ներգրավել նաև տեղեկատվական ոլորտի մասնագետներ. «Պետք է պայքար մղել դրոնների, ռադիոէլեկտրոնային միջոցների դեմ»:

Նա նշեց, որ հակառակորդը զինամթերք է գնում ոչ միայն ՌԴ-ից, այլ նաև Իսրայելից:

«Հակառակրդի կողմից կիրառվող դրոնները իսրայելական են: Նրանք զինվում են նաև ռադիոէլեկտրոնային պայքարի միջոցներով: Սա ամենաարդիական միջոցն է: Լուրջ խնդիր է մեր բանակի համար»,- ասաց Ս.Մարտիրոսյանը: