Նախկինում անհայտ կորած հայտարարվածներից մեկը հայտնաբերվել է ողջ. ԼՂՀ ՊԲ

Քաղաքական 21:37 07/04/2016 Արցախ

Նախկինում անհայտ կորած հայտարարվածներից մեկը հայտնաբերվել է ողջ. ԼՂՀ ՊԲ

Անցած օրվա ընթացքում ԼՂՀ պաշտպանության բանակի պաշտպանության գոտում օպերատիվ իրադրությունը լարվածության առումով բավականին նվազել էր, նկատվել էր առանձին ուղղություններով հրաձգային զենքից հրաձգության դեպքեր, առավել հաճախ հյուսիսային ուղղությամբ, որի արդյունքում վիրավորում է ստացել ևս մեկ զինծառայող: Ստեփանակերտում տեղի ունեցած ասուլիսի ընթացքում հայտարարել է ԼՂՀ ՊԲ օպերատիվ բաժնի պետ, գնդապետ Վիկտոր Առստամյանը:

Նա հայտնեց նաև, որ իրականացրած գործողությունների արդյունքում ՊԲ ստորաբաժանումների կողմից խոցվել է հակառակորդի ևս մեկ անօդաչու թռչող սարք:

Ներկայացրած տվյալների համաձայն, ապրիլի 1-7-ը ԼՂՀ Պաշտպանության բանակը տվել է է 36 զոհ. սպաների և ենթասպաների՝ 9, սերժանտներ, շարքայիններ, պայմանագրերի զինծառայողներ՝ 27: Վիրավորների թիվը կազմում է 122, որից սպաներ և ենթասպաներ են 24-ը, սերժանտներ, շարքայիններ, պայմանագրային զինծառայողներ՝ 98:

Ղարաբաղա-ադրբեջանական շփման գծում ռազմականգործողությունների ընթացքում հայկական կողմից 21 զինծառայող անհետ կորած է համարվում։

Նախկինում հայտարարվել էր 26 անհայտ կորածի մասին, որոնցից մեկը ողջ է հայտնաբերվել: Հայտնաբերվել են 4-ի դիերը:

Գնդապետի խոսքով, Պաշտպանության բանակի հրամանատարությունն ամեն ինչ անում է՝ որոնողական ակտիվ աշխատանքներ է իրականացնում ,անհայտ կորածներին հայտնաբերելու համար:

Ինչ վերաբերում է հայկական կողմում գտնվող ադրբեջանական դիերին, նա ասաց, որ հավաքվում են համապատասխան օրգանների կողմից, իսկ հետագա անելիքները կհստակեցվեն Կարմիր խաչի միջազգային կազմակերպության կողմից:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: