Ձեր վստահելի աղբյուրը

Սիրիայում մեկնարկել են խորհրդարանական ընտրությունները: Գազետա.ռու կայքի հաղորդմամբ, ավելի քան 7000  ընտրատեղամասերը բացվել են տեղի ժամանակով 07:00-ին ու կփակվեն ժամը 19:00-ին։ Գերագույն հանձնաժողովի որոշմամբ, անհրաժեշտության դեպքում ընտրությունները կարող են երկարացվել 5 ժամով:

ՏԱՍՍ-ի հաղորդմամբ, Ժողովրդական խորհրդի ընտրություններն անցկացվում են երկրի 15 նահանգից 13-ում: Բացառություն են կազմում Ռաքան և Իդլիբը, որոնք գտնվում են «Իսլամական պետություն» և «Ջեբհաթ ան Նուսրա» ահաբեկչական խմբավորուﬓերի զինյալների հսկողության ներքո: Այդ շրջաններից փախստականներին հնարավորություն է ընձեռվել քվեարկելու իրենց ժամանակավոր բնակության վայրերի ընտրական տեղամասերում: 

Հիշեցնենք, որ ընտրություններին մասնակցում են նաև հայազգի թեկածուներ: Ավելի վաղ «Արևելք»-ը գրել էր, որ  Հալեպից և Դամասկոսից իրենց թեկնածությունն են առաջադրել 3-ական թեկնածու:

Այս ընտրություններն երկրորդն են Սիրիայում զինված հակամարտության սկսվելուց ի վեր: Սիրիայում վերջին անգամ խորհրդարանական ընտրություններ կայացել էին 2012թ. մայիսին: Այդ  ժամանակ ընտրություններին մասնակցել էր ընտրելու իրավունք ունեցող քաղաքացիների 51 տոկոսը:

Սիրիայի օրենսդիր մարմնի անդամների ընդհանուր թիվը 250 է: