Ղրիմի թուրքական գործակալները հանդիպել են Ալիևի և Մամեդյարովի հետ

Քաղաքական 18:13 14/04/2016 Աշխարհում

Ղրիմի թուրքական գործակալները հանդիպել են Ալիևի և Մամեդյարովի հետ

Ադրբեջանի նախագահ Իլհամ Ալիևն ու արտգործնախարար Էլմար Մամեդյարովը Ստամբուլում Իսլամական համագործակցության կազմակերպության գագաթաժողովի շրջանակներում հանդիպել են ղրիմի թաթարների առաջնորդներ Մուստաֆա Ջեմիլևի և Ռեֆաթ Չուբարովի հետ:

Այս մասին Ղրիմի թաթարների մեջլիսի նախագահ Ռեֆաթ Չուբարովը գրառում է կատարել իր ֆեյսբուքյան էջում, ինչպես նաև հրապարկել է լուսանկար, որտեղ սեղանի շուրջ նստած են նշված գործիչները:

Ռուսական և ուկրաինական լրատվամիջոցներում վերջերս հայտնված տեղեկատվության համաձայն` համացանց են թափանցել գաղտնի փաստաթղթեր, ըստ որոնց` ուկրաինական հատուկ ծառայությունների աշխատակիցները երկար ժամանակ հետևել են Ղրիմում թաթարների մեջլիսի առաջնորդ Մուստաֆա Ջեմիլևի գործունեությանը և եզրակացության հանգել, որ նա աշխատում է թուրքական հետախուզության օգտին և սպառնալիք է ներկայացնում ազգային անվտանգությանը:

Այդ նյութերի համաձայն` ուկրաինական անվտանգության ծառայությունը բոլորը հիմքերն ունի Ջեմիլևին որպես «թուրքական հատուկ ծառայությունների ազդեցության գործակալ» կասկածելու գծով հետաքննություն անցկացնելու համար:

Մուստաֆա Ջեմիլևը և Ղրիմի ադրբեջանական համայնքի ղեկավար Ռահիմ Հումբաթովը 2013 թվականին ակտիվորեն առաջ են տարել գերմանացի ֆաշիստների հետ համագործակցելու համար 1944 թվականին կղզուց ղրիմցի թաթարների արտաքսումը «ցեղասպանություն» ճանաչելու մասին օրինագիծ: Ըստ ԶԼՄ-ների` Ուկրաինայի դատախազությունը մոտ ժամանակում դատական գործ կհարուցի Ղրիմի ինչպես ադրբեջանական համայնքի ղեկավար Ռահիմ Հումբաթովի, այնպես էլ ղրիմցի թաթարների առաջնորդ Մուստաֆա Ջեմիլևի դեմ:

Ավելի վաղ տեղեկատվություն է տարածվել, որ Ղրիմի գլխավոր դատախազ Նատալյա Պոկլոնսկայան դադարեցրել էր «Ղրիմի թաթարների մեջլիս» հասարակական կազմակերպության գործունեությունը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: