Այսօր մենք պետք է ամեն ինչ անենք, որպեսզի նման ողբերգությունները այլևս երբեք չկրկնվեն. Նարիշկին

Հասարակություն 15:08 15/04/2016 Տարածաշրջան

Այսօր մենք պետք է ամեն ինչ անենք, որպեսզի նման ողբերգությունները այլևս երբեք չկրկնվեն. Նարիշկին

Մոսկվայում ապրիլի 13-ին տեղի ունեցած «Հիշում եմ և պահանջում» ոգեկոչման երեկոյի կազմակերպիչներին և մասնակիցներին ողջույնի ուղերձ է հղել ՌԴ Պետական Դումայի նախագահ Սերգեյ Նարիշկինը, որը երեկոյում հրապարակել է Պետական Դումայի «Եդինայա Ռոսսիյա» խմբակցության պատգամավոր Բորիս Ռեզնիկը: Այս մասին հայտնում են «Ռուս-հայկական համագործակցություն» կազմակերպությունից:

Ուղերձում ասված է.

«Ողջունում եմ «Հիշում եմ և պահանջում» երեկոյի կազմակերպիչներին և մասնակիցներին:
Հատկանշական է, որ երեկոն Մոսկվայում համախմբել է Ռուսաստանի հասարակական և քաղաքական կազմակերպությունների, ազգային համայնքների ներկայացուցիչներին` աջակցելու այն ջանքերին, որոնք ուղղված են ցեղասպանության ճանաչմանն ու դատապարտմանը, ինչպես նաև այդ միջազգային հանցագործության կրկնման կանխարգելմանը:

Քսաներորդ դարի սկզբին հայ ժողովուրդը ապրեց առաջին ցեղասպանության ողբերգությունը, որը խլեց մեկ ու կես միլիոն անմեղ մարդկանց կյանքը և զգալի հարված հասցրեց հայ ժողովրդի հոգևոր և նյութական մշակույթին:

Դեռևս 1915 թվականին Ռուսաստանի նախաձեռնությամբ եվրոպական տերությունները Օսմանյան կայսրության կողմից Արևմտյան Հայաստանում իրականացրած ցեղասպանությունը որակեցին իբրև «հանցագործություն մարդկության դեմ»:

Մեր օրերում Հայերի ցեղասպանությունը դատապարտվել է շատ պետությունների և միջազգային կազմակերպությունների կողմից: Այսօր մենք պետք է ամեն ինչ անենք, որպեսզի նման ողբերգությունները այլևս երբեք չկրկնվեն»:

Հարակից հրապարակումներ`

Դադարեցնել զենքի մատակարարումը Ադրբեջանին և ԼՂՀ-ն վերադարձնել բանակցությունների սեղանին. Յուրի Նավոյան

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: