Ձեր վստահելի աղբյուրը

Սիրիական հնագույն Պալմիրա քաղաքն ավելի լավ վիճակում է գտնվում, քան սպասում էին հնագետները: Այս մասին ՏԱՍՍ-ին ասել է Դմիտրի Լիխաչովի անվան մշակութային և բնական ժառանգության ռուսաստանյան գիտահետազոտական ինստիտուտի աշխատակից Տիմուր Կարմովը: Նա մասնակցել է հուշարձանի նախնական ուսումնասիրությանը:

«Նախնական գնահատականով, ամեն ինչ այդքան վատ չէ: «Իսլամական պետություն» ահաբեկչական խմբավորման գրոհայիններն ավիրելու համար ընտրել են միայն այն, ինչը իրենց դուր չի եկել»,- ասել է գիտնականը:

Միաժամանակ նա նշել է, որ ոչնչացվել են և վերականգնման ենթակա չեն Բելի և Բաալշամինի տաճարներ, մի քանի գերեզման և Հաղթական կամարը: «Եթե կամարը ռեստավրացիա արվի, ապա պետք է այն հավաքվի շատ փոքր կտորներից»,- հայտարարել է Տ.Կարմովը:

Հնագետի խոսքով, Պալմիրայում նոր պեղումների կամ վերականգնման աշատանքներ սկսելու մասին դեռ վաղ է խոսել:

Անցած շաբաթ հայտնի էր դարձել, որ ռուս մասնագտների խումբը նախնական ուսումնասիրություններ է անցացրել Պալմիրայում, որը 2015- թվականից գտնվում էր  ԻՊ ահաբեկիչների հսկողության տակ, և հաշվետվություն է ներկայացնելու ՅՈՒՆԵՍԿՕ-ի քարտուղարություն: Ռուս մասնագտները կարճաժամկետ հետազոտություն են իրականացրել հնագույն քաղաքում:

«Նույնիսկ անհասկանալի է, թե ինչպես կազմակերպել մոնիտորինգը»,- ասել է Տ.Կարմովը:

2015թ-ի մայիսից Պալմիրան գտնվում էր «Իսլամական Պետություն» ահաբեկչական խմբավորման զինյալների հսկողության տակ: Այս տարվա մարտի 24-ին սիրիական բանակը, ճեղքելով ԻՊ պաշտպանությունը, մտել է քաղաք: Պալմիրան ընդգրկված է ՅՈՒՆԵՍԿՕ-ի համաշխարհային մշակութային ժառանգության ցուցակում: