Ձեր վստահելի աղբյուրը

ԱՄՆ արդարադատության նախարարությունը քննություն է իրականացնում հարկերից խուսափելու մեխանիզմների վերաբերյալ, որոնց մասին հայտնի դարձավ «պանամյան փաստաղթերթի» հրապարակման արդյունքում: Այս մասին գրում է The Guardian-ը: 

Նյու Յորքի հարավային շրջանի դատախազ Փրիթ Բհարարը տեղեկացրել է, որ էլեկտրոնային նամակ է ուղարկել Հետաքննող լրագրողների միջազգային կոնսորցիումին (ICIJ)՝ խնդրելով տրամադրել լրացուցիչ տեղեկություններ, որոնք կարող են օգնել քննությանը:

Պարբերականը նշում է, որ այս դատախազը հայտնի է մի շարք ֆինանսական չարաշահումների գործերով իրականացրած բացահայտումներով:

Նշենք, որ «պանամյան փաստաթղերում» հիշատակվում է նաև ԱՆ ԴԱՀԿ ապահովող ծառայության արդեն նախկին պետ Միհրան Պողոսյանի անունը:

Ապրիլի 18-ին նա հայտարարեց հրաժարականի դիմում ներկայացնելու մասին: Նրա  հիմնավորումն այսպես էր. «Ցավում եմ, որ անունս արծարծվում է միլիարդավոր դոլարներ իրականում սեփականացրած՝ Ադրբեջանի նախագահ Իլհամ Ալիևի ընտանիքի կողքին։ Անընդունելի եմ համարում, որ իմ անձը պատճառ դառնա իմ երկրի և բռնապետական Ադրբեջանի միջև քաղաքակրթական որևէ զուգահեռի»: Նա խոստացել է, որ  օֆշորային հրապարակումներին հրապարակավ կանդրադառնաշարդեն որպես շարքային քաղաքացի՝ առանց պետական լծակներ տիրապետելու: