Ադրբեջանական արկածախնդրությունը լրջագույն վնաս է հասցրել բանակցային գործընթացին. Նալբանդյան
ՀՀ և ՌԴ արտգործնախարարների՝ Երևանում կայացած հանդիպման օրակարգում հիմնական հարցը եղել է ղարաբաղյան հիմնախնդրի շուրջ ստեղծված իրավիճակը: ՌԴ արտաքին գործերի նախարար Սերգեյ Լավրովի հետ համատեղ ասուլիսի ժամանակ ասաց ՀՀ արտաքին գործերի նախարար Էդվարդ Նալբանդյանը:
ՀՀ ԱԳ նախարարը նշեց, որ ապրիլի սկզբին ղարաբաղա-ադրբեջանական շփման գծում ստեղծված իրավիճակի հենց առաջին օրվանից կապի մեջ է եղել Ս.Լավրովի հետ, որը շարունակական բնույթ է կրել:
«Ադրբեջանական արկածախնդրությունը լրջագույն վնաս է հասցրել բանակցային գործընթացին: Ռուսաստանի և եռանախագահող այլ երկրների հետ փորձում ենք՝ հաղթահարելով Բաքվի կողմից շարունակաբար ստեղծվող խոչընդոտները, վերահաստատելով և ամրապնդելով 1994 և1995 թվականների համաձայնագրերով հաստատված զինադադարը, համապատասխան պայմաններ ապահովել կարգավորման գործընթացը բնականոն հուն վերադարձնելու համար: Մենք համակարծիք ենք, որ ուժի կիրառումն անընդունելի է, բանակցային ճանապարհով կարգավորումն այլընտրանք չունի: Ուժի կիրառման միանշանակ դատապարտումը միջազգային հանրության կողմից հատուկ կարևորություն ունի որպեսզի Բաքուն պատրանք չտածի, թե կարող է ռազմական ճանապարհով հարցեր լուծել»,-ասաց Նալբանդյանը:
Ապրիլի 22-ին Ռուսաստանի Արտաքին գործերի նախարար Սերգեյ Լավրովը Երևանում ՀՀ Արտաքին գործերի նախարար Էդվարդ Նալբանդյանի հետ բանակցություններից հետո անցկացված համատեղ ասուլիսում վերահաստատել էր, որ Ադրբեջանի դաշնակից Թուրքիայի կոչերը՝ ուղղված ԼՂ հակամարտության ռազմական կարգավորմանը, չեն արտացոլում միջազգային հանրության տեսակետները և ավելին՝ դեմ են Մինսկի խմբի համանախագահների մոտեցումներին:
#Лавров:C главой @MFAofArmenia подтвердили приверженность регулярному диалогу на высоком, высшем политическом уровне pic.twitter.com/ngBYwwohyW
— МИД России (@MID_RF) April 22, 2016
«[Թուրքիայի] այդ հայտարարությունները դեմ էին [ԵԱՀԿ Մինսկի խմբի] համանախագահների, միջազգային հանրության դիրքորոշմանը»,- ասաց Ս. Լավրովը, հավելելով, որ Կրեմլում «արդեն սովոր են Թուրքիայի ներկայիս ղեկավարության նման քաղաքականությանը»:
#Лавров: Важно обеспечить неукоснительное соблюдение Соглашений 1994-1995 гг. о прекращении огня - они имеют бессрочный характер
— МИД России (@MID_RF) April 22, 2016
Ռուսաստանի արտգործնախարարը նաև վերահաստատեց, որ հրադադարի մասին 1994թ մայիսին կնքված եռակողմ համաձայնագիրը և 1995թ փետրվարին ստորագրված հրադադարի ռեժիմի ամրապնդման վերաբերյալ պայմանագիրը անժամկետ են և պետք է դրվեն կարգավորման առանցքում, որպես ուժի կամ դրա սպառնալիքի կիրառումը բացառող պարտավորություններ: Այսպիսով, Լեռնային Ղարաբաղի Հանրապետությունը, որը մաս է կազմել այս պայմանագրերին, պետք է վերադառնա բանակցությունների սեղան:
«Հայաստանը Կազանի փաստաթուղթը չի մերժել», - հայտարարեց Սերգեյ Լավրովը, նշելով, որ դեռ 2011-ին ռուսական կողմի միջնորդական ջանքերի արդյունքում կողմերը համաձայնության էին եկել վստահության ամրապնդման միջոցառումների և միջադեպերի հետաքննության մեխանիզմի ներդրման շուրջ և այժմ նոր իրավիճակում այս պայմանավորվածությունների իրականացումը դարձել է անհետաձգելի:
#Лавров: @MID_RF и @MFAofArmenia будут тесно согласовывать подходы к процессам в Европе и Евроатлантике.Армения - наш ключевой партнер в СНГ
— МИД России (@MID_RF) April 22, 2016
Բանակցային գործընթացը առաջ մղելու վերաբերյալ Լավրովը ընդգծեց ԵԱՀԿ շրջանակներում ընդունված «ճանապարհային քարտեզի» իրագործումը, որի ուղղությամբ կազմակերպությունում նախագահող Գերմանիան պետք է հավելյալ ջանքեր գործադրի:
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
