Մի քանի գործողություններ պետք է կատարվեն ԸՕ հանդեպ վստահությունն ամրապնդելու համար. Դ. Հարությունյան
Մեր նպատակն է օժանդակել քաղաքացիական հասարակության մասնակցությանը Ընտարական օրենսգրքի նախագծի քննարկումներին: Այսօր «Իրազեկ քաղաքացիների միավորուոմ» ՀԿ-ի և «Բաց հասարակության հիմնադրամներ-Հայաստան»-ի կողմից կազմակերպած նոր ԸՕ նախագծի քննարկման ժամանակ ասաց «Բաց հասարակության հիմնադրամներ-Հայաստան» կազմակերպության գործադիր տնօրեն Լարիսա Մինասյանը:
«Մեզ համար ԸՕ նախագիծը երկու մեծ կարևոր հարթակի մեջ դիտարկելու փաստաթուղթ է: Մեկն այն է, որ նոր Սահմանադրությունը ծանրությունը տեղախոխեց այլ փաստաթղթի վրա՝ ներմուծելով իշխանության ձևավորման քիչ ծանոթ ձևաչափ: Երկրորդը՝ արդեն մեր տասնամյակների պրոբլեմը՝ ընտրությունների ազատ, արդար անցկացումը»,-նշեց Լ. Մինասյանը:
Քննարկմանը ներկա կառավարության աշխատակազմի ղեկավար-նախարար Դավիթ Հարությունյանն էլ իր բացման խոսքում նշեց, որ ընտրություններն այն մեխանիզմն են, որով երկրները տարբերվում են միմյանցից. «Մենք պետք է ելնենք մեր ընտրական մեխանիզմներից և լուծումներ ապահովենք հենց դրանցից: Այս նոր Ընտրական օրենսգրքի նախագծից խոսելիս, պետք է խոսել երկու տարբեր խոշոր բլոկների մասին: Մեկը վերաբերում է ընտրական համակարգին՝ կայուն մեծամասնություն, համամասնական համակարգ, բաց և փակ ցուցակներ, և երկրորդը՝ բուն ընտրական մեխանիզմին»:
Ըստ Հարությունյանի՝ մի քանի գործողություններ պետք է կատարվեն, ընտրական օրենսգքրի հանդեպ վստահությունն ամրապնդելու և վստահելի մթնոլորտ ստեղծելու համար:
Խոսելով դրոշմապիտակներից նա նշեց՝ պետք է վստահ լինեն, որ այսինչ տեղամասի համար տպվել են օրինակ հազար դրոշմապիտակներ, այսինքն պետք է հաշվարկի ժամանակ էլ լինեն հենց այդքան. «Դրա հետ կապված մենք արտահայտել ենք մեր մոտեցումները, որ պատրաստ ենք, որ դրանք տպվեն ոչ թե ՀՀ որևէ մարմնի կողմից, այլ որևէ մի միջազգային կառույցի կողմից»:
Ինչ վերաբերում է ընտրությունների ժամանակ օգտագործվող սարքերին՝ նա ասաց, որ դրա հանդեպ հանրային վստահությունն ապահովելու երկու ուղի են տեսնում. «Այն պետք է լինի ոչ թե ձեռքով հավաքված սարք, այլ այնսպիսի մի ընկերությունից, որը աշխարհով մեկ նման սարքերով անց է կացնում ընտրություններ: Եվ սարքի ծրագրային ապահովումը պետք է ենթակա լինի տեխնիկական աուդիտի, որը պետք է լինի այն անձանց ներկայությամբ, ովքեր որ ներկայացնում են ընտրությունների ժամանակ շահագրգիռ կողմերը»:
Մյուս հանրային վերահսկողություն ապահոցող կետը, ըստ նրա, այն ծրագրային ապահովումն է, որ համեմատելու է մատնահետքերը:
Հարակից հրապարակումներ`
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
