Ձեր վստահելի աղբյուրը

«Կսպասեք, որ հայերեն խոսեմ, բայց բեմ եմ դուրս գալիս երգելու համար»,- «Ավրորա» մրցանակաբաշխության ավարտին ասաց աշխարհահռչակ շանսոնյե Շառլ Ազնավուրը: Նա նաև նշեց, որ հայերեն այնքան էլ լավ չի խոսում, ավելի շուտ՝ ընտանեկան լեզվով: 

Նա շնորհակալություն հայտնեց մրցանակաբաշխության նախաձեռնողներին, ովքեր որոշեցին հենց Հայաստանում ստեղծել նման հիմնադրամ, որը, ըստ նրա, կարծես «Ազնավուրը Հայաստանին» հիմնադրամի շարունակությունը լինի:

Մրցանակաբաշխությունն ավարտվեց Ազնավուրի «Քեզ համար Հայաստան» երգով:

Նշենք, որ «Ավրորա»-ի դափնեկիր  Բուրունդիից Մարգարիտ Բարանկիցեն իր խոսքում  հիշեց հենց այս երգի վերջին տողերը, որոնք, ըստ նրա, ամենակարևորն են՝ Հայաստանի ճակատագիրն իր ձեռքերում է:  Նա նաև երգից իր երկրի  հիմնը, հատուկ ընդգծելով մեկ տող՝ սերը միշտ կհաղթի: 

The Aurora Prize for Awakening Humanity/«Ավրորա» մրցանակը 100 LIVES նախաձեռնության համահիմնադիրներ Վարդան Գրեգորյանի, Նուբար Աֆեյանի և Ռուբեն Վարդանյանի մարդասիրական ձեռնարկումն է։

«Ավրորա» մարդասիրական համաշխարհային մրցանակն ամեն տարի շնորհվելու է նրան, ով անձնվիրաբար օգնում է մարդկանց։ Դափնեկիրները ճանաչման են արժանանալու իրենց արարքների բացառիկ ազդեցության և նշանակության համար։ «Ավրորա» մրցանակը շնորհվում է Հայոց ցեղասպանությունը վերապրածների անունից և ի երախտագիտություն նրանց, որոնք փրկության ձեռք մեկնեցին հայ ժողովրդին: Մրցանակին արժանանալու է այն հերոսը, որն օգնում է մարդկանց՝ անձնվիրաբար և բացառիկ ջանքերով:

«Ավրորա» հաջորդ մրցանակաբաշխությունը կայանալու է 2017-ի ապրիլի 24-ին Երևանում: