Ձեր վստահելի աղբյուրը

Այսօր Ազգային ժողովում Ընտրական օրենսգրքի նախագծի քննարկման ժամանակ ՀՀ արտաքին գործերի նախկին նախարար Վարդան Օսկանյանը հայտարարեց, որ Հայաստանում վերջին երկու տասնամյակներում ընտրությունները կեղծվել են:

«Կեղծվել են ընտրակաշառք բաժանելով, կարուսելներ կազմակերպելով, կեղծվել են կրկնակի քվեարկություններով, կեղծվել են բացակաների փոխարեն քվեարկելով, կեղծվել են լցոնումներով:

Կեղծվել են հաշվարկների ժամանակ խարդախություններով», -հայտարարեց Օսկանյանը:

Նրա խոսքով, Ընտրական օրենսգրքի նախագիծը պետք է կարգավորի ու լուծում տա հենց այդ խնդիրներին, բայց այդպես չէ և ներկայացվող նախագիծը «բացարձակապես չի լուծում այդ խնդիրները»:

Ընտրական օրենսգրքի նախագծի քննարկումների շուրջ ձևավորված 4+4+4 ֆորմատը, ըստ ԱԺ պատգամավորի, առաջարկում էր լուծումներ, որոնցից 4-ը վերաբերում էին այդ խնդիրների լուծմանը, սակայն ֆորմատի շրջանակներում բանակցությունները տապալվեցին:

«Կարծում եմ ժամանակ կա և պետք է գալ կոնսենսուսի», -հավելեց նա:

Անդրադառնալով ԸՕ-ով առաջարկվող համամասնական ընտրակարգին, Օսկանյանն ասաց, որ առաջարկվող ընտրակարգը 100 տոկոսանոց համամասնական ընտրակարգ չէ և կարող է համարվել հակասահմանադրական:

Մանրամասն՝ տեսանյութում