Ձեր վստահելի աղբյուրը

«Բախտի հերը շուն դառնա», -ժպտալով ասաց ԱԺ «Օրինաց երկիր» (Հայկական վերածնունդ) խմբակցության անդամ Հովհաննես Մարգարյանը և դժգոհեց, որ իր ելույթը նիստի ընդմիջման ժամանակի պատճառով պետք է ընդհատվի:

Այդուհանդերձ, անցնելով Ընտրական օրենսգրքի նախագծին, Մարգարյանն ասաց, որ Սահմանադրությունը պահանջում է 100 տոկոսանոց համամասնական ընտրակարգ, բայց առաջարկվում է այլ բան:

«Անունն ուզում եք դրեք իսկյանդար, ուզում եք դրեք, չգիտեմ, փիլիպոս, մեկ է, պարզից պարզ է, որ 100 տոկոս համամասնականը դառնում է 50 տոկոս համամասնական, 50 տոկոս չգիտեմ՝ ինչ: Ոնց որ ասեք խիյարն ու բողկը նույն բանն է: Խիյար եք գրել Սահամանդրության մեջ, խիյար բերեք, հիմա բերել բողկ եք դեմ տալիս», -հայտարարեց պատգամավորը՝ նկատելով, որ բոլոր ընդդիմադիր ուժերը դեմ են Ընտրական օրենսգրքի նախագծին:

Պատգամավորի ելույթն ամբողջությամբ տեսանյութում