ՀՀ-ում այնքան սորտի, տեսակի ընդդիմություն կա, որքան Ֆրանսիայում պանրի տեսականի. Փաշինյան
«Կեղծարարների երկարամյա դիվանագիտական ժամապահը, որ երկար տարիներ զբաղված է եղեկ կեղծիքների հետքերը միջազգային հարթակներում մաքրելով, ողբ է անում 20-ամյա ընտրակեղծարարության կապակցությամբ»,- Ազգային ժողովում Ընտրական օրենսգրքի նախագծի քննարկումների ժամանակ ունեցած ելույթում ասաց պատգամավոր Նիկոլ Փաշինյանը՝ նշելով, որ երեկվանից այստեղ մի շարք զարմանալի բաներ է լսում ու տեսնում:
Ըստ նրա, ամենահետաքրքիրն այն է, որ ընտրությունների կեղծումներից ամենաշատը բողոքում են նախկին բարձրաստիճան պաշտոնյաները, մինչդեռ իրենց պաշտոնավարման ժամկետներում կեղծիքների կազմակերպիչ, մասնակից են եղել, ընտրակեծիքներ արձանագրող ակտիվիստների, լրագրողների, լրատվամիջոցների դեմ անձամբ են հետապնդումներ իրականացրել:
«Այն ժամանակ, երբ ընտրությունները կեղծելու արդյունքում արտոնություններ պետք է ստանային՝ ծառայողական ավտոներ, կաբինետներ, զանազան ճանապարհներով փողեր աշխատելու, լվանալու հնարավորություններ, բողոք չունեին, երբ նույն կարգի ընտրակեղծիքների արդյունքում այդ ամենից զրկվել են, սկսել են կեղծարարության դեմ պայքարի Ալեքսանդր Մատրոսով դառնալ»,- ասաց պատգամավորը:
«Հաջորդ զարմանալի» բանը, որ Նիկոլ Փաշինյանը տեսել է. «Ընտրություններում փող և մուրաբա բաժանողներն ազգի դավաճան են հանում ընտրություններում փող և տուկի թել բաժանողներին, իսկ փող և տուկի թել բաժանողները դատափետում են փող և ատամի պրոթեզ բաժանողներին»:
Նա նշեց, որ 2017 թվականի խորհրդարանական ընտրություններին բազմաթիվ մարդիկ որոշելու են քվեարկել հանուն փոփոխությունների և ձայն տալ ընդդիմությունը:
«Բայց այստեղ քաղաքացին պրոբլեմի առաջ է կանգնելու, հարց է ծագելու՝ բազմաթիվ, բազմապիսի ընդդիմություններից ո՞րն է այն ընդդիմությունը, որին պետք է ձայն տա, որովհետև Հայաստանում այնքան սորտի, տեսակի ընդդիմություն կա, որքան Ֆրանսիայում պանրի տեսականի: Բայց, իմ կարծիքով, պանրի այս տեսականուց գնալով ավելի ու ավելի շատ վատ հոտ է գալիս: Իմ համոզմամբ, Հայաստանում բազմաթիվ ընդդիմությունների ինստիտուտը պետք է վերանա, որպեսզի քաղաքացու համար շատ կոնկրետ լինի, թե ով է ընդդիմություն: Հայաստանին պետք է մեկ ընդդիմություն»,- ասաց Նիկոլ Փաշինյանը՝ հավելելով, որ «Քաղաքացիական պայմանագիր» կուսակցությունը գործելու է երկրի այդ մեկ ընդդիմությունը դառնալու ուղղությամբ, որովհետև առանց ընդդիմության հարցի ճշգրտման իշխանափոխություն անհնար է լինելու:
Մանրամասները՝ տեսանյութում:
Հարակից հրապարակումներ`
- Խիյար եք գրել, բերել բողկ եք դեմ տալիս. Հովհաննես Մարգարյան
- Մաքուր՝ 100 տոկոսանոց համամասնական ընտրակարգը ամենաոչժողովրդավարականն է. ՀՀԿ-ական
- Նոր ԸՕ-ն թաղային հեղինակություններին հնարավորություն կտա դառնալ ԱԺ անդամներ. Էլինար Վարդանյան
- Դաշնակցությունն առաջարկում է մինչև ընտրությունները ջենթլմենական համաձայնագիր ստորագրել
- Օսկանյան. Իմ իշխանության ժամանակ էլ հրապարակային բարձրաձայնել եմ, որ ընտրություններում եղել են լուրջ խախտումներ
- Նայել եմ Օսկանյանի աչքերի մեջ ու ասել. Շարմազանով
- Կարելի է ենթադրել, որ Ձեր նշանակումը որպես ԱԳ նախարար չի եղել ոչ լեգալ, ոչ լեգիտիմ. Շարմազանովի պատասխանը Օսկանյանին
- Հայաստանում 2 տասնամյակ ընտրությունները կեղծվել են. Վարդան Օսկանյան
Լրահոս
Տեսանյութեր
Աշխարհի առաջնությունից առաջ ինձ «подножка տվեց» Սիմոն Մարտիրոսյանը. Փաշիկ Ալավերդյան
