Ձեր վստահելի աղբյուրը

 ԱԺ փոխխոսնակ Հերմինե Նաղդալյանը «Ժողովուրդ»-ի հետ զրուցում մեկնաբանելով ազատագրված տարածքները հանձնելու մասին իր սկանդալային հայտարարությունը, պնդել է, որ լրատվամիջոցներն աղավաղել են իր խոսքը:

«Շատ պարզ  ապատեղեկատվություն է, որը շատ հաճախ օգտագործվում է  մեր լրատվական  դաշտում:  Տեսանյութը  որը որ  տեղադրված է, շատ մարդկանց հետ  խոսել եմ կամ  հարցրել եմ՝ նայե՞լ ես տեսանյութը, լսե՞լ ես՝ ես ինչ եմ ասել, լսել ես՝ ինչի մասին է:  Կոնտեքստից պոկում են  մի հատ  նախադասություն ու սկսում են այդ նախադասության վրա բան կառուցել:  Սա պարզ աղավաղում է, որը տեղի է ունեցել  տվյալ դեպքում»:

Հարցին՝ իրավիճակը շտկելու նպատակով ի՞նչ քայլեր եք պատրաստվում անել, Նաղդալյանը պատասխանել է. «Քանի որ լրատվական դաշտում  բավականին լուրջ  ապատեղեկատվություն կա, պատրաստ եմ լրագրողներին հրավիրել  ինձ մոտ՝  մամուլիս ասուլիսի  և բազմակողմանի  պատասխանել բոլոր հարցերին: Որ բոլորդ տեսնեք  և համոզվեք, որ այդ ամենի մեջ բացարձակապես  որևէ հիմք չկա»: