Մոնտերյո. «Հայ մարզիկները կկարողանան ոսկե մեդալներ նվաճել Օլիմպիական խաղերում»

Սպորտ 18:19 03/05/2016 Հայաստան

Հայաստանի Հանրապետությունում Բրազիլիայի արտակարգ և լիազոր դեսպան Էդսոն Մարինյո Դուարտե Մոնտերյոն լրագրողների հետ հանդիպման ժամանակ ներկայացրել է Օլիմպիական խաղերի նախապատրաստական աշխատանքները, խոսել «Զիկա» վիրուսի և Խաղերի համար ծախսված գումարների մասին: Այս մասին տեղեկացնում է ՀԱՕԿ-ի պաշտոնական կայքը:

Նախապատրաստական աշխատանքների մասին

Բրազիլիայի համար մեծ պատիվ է հյուրընկալել Օլիմպիական խաղերը: Ցանկություն ունենք ցուցադրել և ապացուցել, որ Բրազիլիան այնքան կայացած է, որ կարող է հյուրընկալել նմանատիպ մեծագույն մարզական իրադարձություն: Օլիմպիական խաղերի առաջին քայլն արված է. Խաղերի կրակն արդեն Բրազիլիայում է: Օլիմպիական խաղերի միջոցով մենք աշխարհին ցույց կտանք թե ով ենք մենք»:

Անվտանգության մասին

Խաղերի ընթացքում 47000 քաղաքացիական ոստիկաններ կլինեն, բացի այդ, մասնակիցների անվտանգությունը կապահովեն նաև ռազմական ոստիկանները: Կաշխատի մոտ 38000 ռազմական ոստիկան:

«Զիկա» վիրուսի մասին

Այս վիրուսի պատճառով դեռևս դեպք չի պատահել, որ մարզիկները հրաժարվեն մասնակցել Օլիմպիական խաղերին: Այժմ վիրուսը, որպես այդպիսին, վտանգ չի ներկայացնում:

Օլիմպիական խաղերի ծախսերի մասին

Այս Խաղերի վրա ծախսվել է 39,7 միլիարդ ռեալ, որը ԱՄՆ դոլարով կազմում է 12 միլիարդ: Նշված գումարի 57 տոկոսը ներդրվել է անհատ կազմակերպությունների կողմից, իսկ 43 տոկոսը կառավարության ներդրումներն են»:

Հայ մարզիկների մասնակցության մասին

Ես արդեն ինձ համար բացահայտել եմ այն դահլիճները, որտեղ անցկացվելու է Օլիմպիական խաղերի հունահռոմեական ոճի ըմբշամարտի մրցաշարը: Վստահ եմ, որ հայ մարզիկները կկարողանան ոսկե մեդալներ նվաճել Օլիմպիական խաղերում»:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: