Միայն բանակը չի կարող լինել թելադրողը՝ ինչը կարելի է հրապարակել ինչը ոչ. Սամվել Մարտիրոսյան
Ներկայումս ազատության և անվտանգության հատման հարցը ամենաբարդ խնդիրներից մեկն է դարձել: Լրագրողների հետ հանդիպմանը նման դիտարկում արեց տեղեկատվության անվտանգության փորձագետ Սամվել Մարտիրոսյանը:
«Մի կողմից լրագրողը պետք է ազատ լինի, մյուս կողմից էլ հասկանալի է, եթե դու պատերազմական վիճակում ես, զինվորի կյանքը վտանգող որոշակի տեղեկատվություն կա, որը պետք է գաղտնի լինի»,-նշեց Սամվել Մարտիրոսյանը:
Սակայն, ըստ մասնագետի, միջազգային փորձը ցույց է տալիս, որ շատ պետություններ հաճախ գաղտնիացնում, արգելափակում են տեղեկատվությունը, որպեսզի ավելի հանգիստ աշխատեն, իսկ նման դեպքերում, հանրային շահից ելնելով, լրագրողը կարող է բացահայտել տեղեկատվությունը:
Նրա խոսքով՝ մեզ մոտ այս տարիներին եղել են լրագրողներ, ովքեր ռազմական թեմաների շուրջ են աշխատել, շփվել են բանակի հետ և իրենց մոտ ձևավորվել է մոտեցումներ, բայց երբ մտնում ես պատերազմական իրավիճակի մեջ, բնականաբար ավելի շատ լրագրողներ են ստիպված են լինում մտնել ռազմական թեմայի մեջ և այստեղ առաջանում է մի մեծ հարց՝ որտեղից իմանա լրագրողը ինչը կարող է հրապարակել, ինչը չէ. «Այս առումով պետք է հստակ ուղեցույց, որով կաշխատեն լրագրողները: Օրինակ այն, որ դիպուկահարի, հետախույզի դեմքը չպիտի նկարեն, կամ տանկն այնպես նկարել, որ վրայի թվերը չերևան»:
Մարտիրոսյանը կարևորեց նաև այն, որ լրագրողական համայքն էլ իր իրավունքները պաշտպանել պետք է իմանա. «Միայն բանակը չի կարող լինել թելադրողը՝ ինչը կարելի է հրապարակել ինչը ոչ, քանի որ զինվորականները միշտ ձգտում ունեն տեղեկատվությունը հնարավորինս շատ փակել, որ իրենց ոչ ոք չխանգարի գործ անել: Բայց այդ գործը միայն պատերազմական իրավիճակում չի լինում, խաղաղ վիճակներում նմանատիպ արգելափակումներից կսկսեն օգտվել բանակի այն ներկայացուցիչները, ովքեր ավելի շատ հակված են կոռուպցիայի մաս լինելուն»:
Տեղեկատվության անվտանգության փորձագետը հավելեց՝ պետք է լրագրողական համայնքը և բանակը նստեն և այս ամեն ինչի շուրջ հստակեցում մտցնեն:
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
