Ձեր վստահելի աղբյուրը

«Հայաստանի կողմից Լեռնային Ղարաբաղի Հանրապետության ճանաչումը չի բերելու ղարաբաղյան հակամարտության կարգավորմանը, ընդամենը տեղափոխելու է այլ փուլ»,- լրագրողների հետ հանդիպման ժամանակ ասաց քաղաքագետ Ալեքսանդր Մարկարովը:

«Փուլ, որտեղ Ադրբեջանն  ինչ-որ մի իմաստով կստանա այն մոտեցումը, որի մասին ուզում էր լսել՝ բանակցային գործընթացի  վերջ»,- ասաց նա՝ հավելելով, որ այս պայմաններում հարցն իրենց համար լինելու այն, թե ինչպես գործել:

Որպես  տարբերակ, Ա.Մարկարովի խոսքով, կարող է սկսվել իրական պատերազմ:

«Կամ Լեռնային Ղարաբաղի  ճանաչումը Հայաստանի կողմից կամ միացումը Հայաստանին Ադրբեջանի համար բացում է բացարձակապես այլ դուռ, երբ որ նրանք ասում էին՝ մենք փորձում էին բանակցային գործընթացի շրջանակում հասնել արդյունքի, Հայաստանն իրականացրեց քաղաքականություն և ճանաչեց անկախությունը»- ասաց քաղաքագետը՝ հավելելով, որ ԼՂՀ անկախության ճանաչման գործոնը Հայաստանը կարող է միայն մի դեպքում օգտագործել, երբ տեսնի, որ  բացարաձակապես այլ տարբերակ չի մնում:

«Այս ամենն ընդամենը նշանակելու է, որ Հայաստանը չի տեսնում գործընթացի շարունակման այլ տարբերակ: Ես չեմ կարծում, որ այդպես է»,- ասաց Ա.Մարկարովը: