Ձեր վստահելի աղբյուրը

Իսպանական  Rtve լրատվամիջոցը «Եվրատեսիլ 2016» մրցույթում Հայաստանը ներկայացնող մասնակից Իվետա Մուկուչյանին որակել է որպես կիսաեզրափակիչ փուլի մեծագույն սենսացիա:

Հրապարակման հեղինակը նշում է, որ շատերը մրցույթի  հավանական հաղթող են համարում  հենց Հայաստանի ներկայացուցչին:

Նախապես սպասվում էր և մրցույթի ֆավորիտ էր բնութագրվում Ռուսաստանի ներկայացուցիչը, որի երգի շանսերն իսկապես շատ բարձր են գնահատվում:

Սակայն ի զարմանս և ի տխրություն Սերգեյի, երեկոյի սենսացիան Իվետա Մուկուչյանն էր, որին արդեն շատերը շնորհել են, (ըստ պարբերակի մակնշել են)  "winner alert" հավանական հաղթող տիտղոսը:

Իր անհավանական ներշնչող տեսքով, Բեյոնսեին հիշեցնող գեղեցկուհին բեմում ապահովեց աննախադեպ էմոցիոնալ պոռթկում, և Իվետան ապացուցեց, որ այս եթերաշրջանի լավագույն ձայնն է (առաջիկայում սպասելով իհարկե ևս մեկ ձայնի` ուկրաինուհու ելույթին):

Հիշեցնենք, որ «Եվրատեսիլ-2016» երգի միջազգային մրցույթում Հայաստանը ներկայացնող Իվետա Մուկուչյանն անցավ եզրափակիչ փուլ:

Առաջին կիսաեզրափակչի արդյունքով եզրափակիչ անցան՝ Հայաստանի, Ռուսաստանի, Նիդեռլանդների, Հունգարիայի, Խորվաթիայի, Ավստրիայի, Ադրբեջանի, Չեխիայի, Կիպրոսի, Մալթայի ներկայացուցիչները:

Առաջին կիսաեզրափակչում ելույթ ունեցավ 18 երկրի՝ Ֆինլանդիա, Հունաստան, Մոլդովա, Հունգարիա,  Խորվաթիա, Նիդեռլանդներ, Հայաստան, Սան Մարինո, Ռուսաստան, Չեխիա, Կիպրոս, Ավստրիա, Էստոնիա, Ադրբեջան, Մոնտենեգրո, Իսլանդիա, Բոսնիա Հերցեգովինա, Մալթա ներկայացուցիչ:

Երկրորդ կիսաեզրափակչում՝ մայիսի 12-ին, ելույթ են ունենալու հետևյալ երկրների ներկայացուցիչները՝ Լատվիան, Լեհաստան, Շվեյցարիա, Իսրայել, Բելառուս, Սերբիա, Իռլանդիա, Մակեդոնիա, Լիտվա, Ավստրիալիա, Սլովենիա, Բուլղարիա, Դանիա, Ուկրաինա, Նորվեգիա, Վրաստան, Ալբանիա, Բելգիա: