Ձեր վստահելի աղբյուրը

Եվրոպական հեռարձակողների միությունը տարածել է հայտարարություն մրցույթի ժամանակ Հայաստանի պատվիրակ Իվետա Մուկուչյանի կողմից Լեռնային Ղարաբաղի Հանրապետության դրոշը ծածանելու մասին: Այս մասին տեղեկանում ենք Եվրոպական հեռարձակողների միության ֆեյսբուքյան էջից:

Հայտարարության մեջ նշվում է, որ «խստորեն դատապարտում են» մայիսի 10-ին «կանաչ սենյակում» արդյունքներին սպասելիս  ուղիղ հեռարձակման ընթացքում հայաստանյան պատվիրակի կողմից ԼՂՀ դրոշը ցուցադրելու փաստը, համարում, որ դրոշի ցուցադրումը վնասում է «Եվրատեսիլ» բրենդին»» : Որոշում է կայացվել համաձայն կանոնների, մրցույթը հեռարձակող հեռուստաընկերության՝ Հայաստանի  Հանրային հեռուստաընկերության դեմ պատժամիջոցներ կիրառել: Պատժամիջոցի բնույթը կորոշվի  հունիսին կայանալիք Ռեֆերենտ խմբի հերթական հանդիպման ժամանակ:

Եվրոպական հեռարձակողների միությունը նախազգուշացրել է, որ, մրցույթի կանոնների համաձայն, հետագայում ցանկացած խախտման դեպքում  Հայաստանը որպես մասնակից երկիր, կարող է որակազրկվել, զրկվել մրցույթին մասնակցելու իրավունքից: 

Հիշեցնենք, որ մայիսի կայացել է «Եվրատեսիլ-2016» մրցույթի առաջին կիսաեզրափակիչը: Ելույթ է ունեցել նաև Հայաստանի ներկայացուցիչ Իվետա Մուկուչյանը: Արդեն ելույթից հետո «կանաչ սենյակում» արդյունքներին սպասելիս  հայաստանյան պատվիրակը ծածանել էր ԼՂՀ դրոշը, ինչը դժգոհության ալիք էր առաջացրել Ադրբեջանում: Պաշտոնական Բաքուն կատարվածը որակել էր որպես սադրանք:  Ադրբեջանի ԱԳՆ պաշտոնական ներկայացուցիչ Հիքմեթ Հաջիևն ասել էր, որ Ադրբեջանն իր դժգոհությունը կհայտնի «Եվրատեսիլ-2016» երգի մրցույթի կազմակերպչական կոմիտեին՝ կապված նրա հետ, որ մրցույթի ուղիղ եթերում ծածանվել էր Արցախի դրոշը: