Ձեր վստահելի աղբյուրը

«Հիմա նույնիսկ չեմ կարողանում անհրաժեշտ բառեր գտնել, խոսքերն այժմ ավելորդ են թվում։ Սիրո ալիքը հասավ բոլորին և այնքան տարածվեց, որ անգամ ես չէի կարող պատկերացնել»,-ֆեյսբուքյան իր էջում գրել է «Եվրատեսիլ-2016» երգի միջազգային մրցույթում Հայաստանը ներկայացնող Իվետա Մուկուչյանը: 

Նա նաև նշել է. «Թիկունքս ամուր է ձեզնով, միասին մենք անպարտելի ենք։ Սիրում եմ Ձեզ անսահման»։

Իվետա Մուկուչյանը մրցույթում հանդես է գալիս  «LoveWave» երգով: Մայիսի 10-ին կայացած մրցույթի առաջին եզրափակչում հանդես գալով՝ նա անցել է եզրափակիչ, որը կայանալու է մայիսի 14-ին, ելույթ է ունենալու երկրորդ կեսում: 

Այսօր կայանալու է մրցույթի երկրորդ եզրափակիչը, հանդես են գալու հետևյալ երկրների ներկայացուցիչները՝ Լատվիան, Լեհաստան, Շվեյցարիա, Իսրայել, Բելառուս, Սերբիա, Իռլանդիա, Մակեդոնիա, Լիտվա, Ավստրիալիա, Սլովենիա, Բուլղարիա, Դանիա, Ուկրաինա, Նորվեգիա, Վրաստան, Ալբանիա, Բելգիա:

Առաջին և երկրորդ կիսաեզրափակիչների՝ ժյուրիի և հեռուստադիտողի քվեարկության արդյունքում (50x50) եզրափակիչ են անցնելու 20 հոգի (ամեն կիսաեզրափակչի՝ 10 երկրի ներկայացուցիչ): Եզրափակչում ելույթ են ունենալու  Մեծ հնգյակի երկրների (Ֆրանսիա, Իսպանիա, Գերմանիա, Իտալիա, Մեծ Բրիտանիան) և մրցույթն ընդունող Շվեդիայի ներկայացուցիչները:

Նշենք, որ Իվետա Մուկուչյանն ավելի վաղ  ֆեյսբուքյան իր էջում նաև տեսաուղերձ  էր տեղադրել: