Ձեր վստահելի աղբյուրը

Եվրոպական հեռարձակողների միությունը նախատեսում է քննարկել «Եվրատեսիլ-2016» երգի միջազգային մրցույթի արդյունքները վերանայելու մասին խնդիագիրը, որը ներկայացված է change.org կայքում: Այն ստորագրել է 200 հազար մարդ:

«Մենք տեղյալ են խնդագրի մասին, հարցը քննարկվելու է այսօր և Եվրոպական հեռարձաողների միության պատասխանը ավելի ուշ կհրապարակվի»,- Ռիա նովոստիին ասել է  Եվրոպական հեռարաձակողների միության մամուլի քարտուղար Պոլ Ջորդանը:  Նա «քիչ հավանական է համարում, որ արդյունքները կվերանայվեն»:

Հիշեցնենք, որ «Եվրատեսիլ 2016» երգի միջազգային մրցույթում հաղթել է Ուկրաինայի ներկայացուցիչ Ջամալան: Երկրորդ տեղում էր Ավստալիայի, երրորդ՝ Ռուսաստանի ներկայացուցիչները: Հայաստանը նեկայացնող Իվետա Մուկուչյանը 7-րդն էր: 
 
Ռիա նովոստին ավելի վաղ գրել էր, որ  Երևանի բնակիչ Արթուր Հովհաննիսյանը Change.org  կայքում տեղադրել է խնդրագիր՝ պահանջելով վերանայել «Եվրատեսիլ-2016»-ի արդյունքները: Այս նախաձեռնությանն աջակցել են Մեծ Բրիտանիայի, Ֆրանսիայի, Գերմանիայի, Իսպանիայի, Ավստրալիայի, Սերբիայի, Շվեդիայի, Ռուսաստանի, Ուկրաինայի և այլ երկրների քաղաքացիները:

«Մենք հասկանում ենք, որ ժյուրիի և հեռուստադիտողի քվեարկությունը բարդ և էմոցիոնալ գործընթաց է, բայց այս խնդագրի տակ դրված ստորագրությունները  մատնանշում է, որ շատերը համոզված են, որ «հաղթողը» նա չէ, ով պետք է լիներ»,- գրել է դիմումի հեղինակը:

Մադրիդի մի քաղաքի  Change.org-ում ևս մեկ դիմում է հրապարակել, որով կոչ է անում Իսպանիային հրաժարվել «Եվրատեսիլ-2017» երգի միջազգային մրցույթին մասնակցելուց: Նրա խոսքով, այս տարի մրցույթի եզրափակիչը «զավեշտ» էր և Եվրապայի կեսին պարզ դարձավ, որ արդյունքը որոշվում է «քաղաքական շահերից» ելնելով: Գերմանիայի քաղաքացին կոչ է արել Գերմանիային չմասնակցել մրցույթին: