Ձեր վստահելի աղբյուրը

ՀՀ աշխատանքի և սոցիլական հարցերի նախարարության համակարգից  41 ավտոմեքենա կկրճատվի: Այս մասին այսօր կառավարության նիստից հետո լրագրողների հետ զրույցում ասաց ՀՀ աշխատանքի և սոցիալական հարցերի նախարար Արտեմ Ասաստրյանը:

Այդ մեքենաները, ըստ նախարարի, սպասարկում են համակարգի տարբեր ստորաբաժանումներին, այդ թվում՝  ՊՈԱԿ-ներին:

Դիտարկմանը, թե արդյոք մեքենաների կրճատումը չի խոչընդոտի  նախարարության աշխատանքը, Արտեմ  Ասատսրյանն ասաց, որ հաշվի են առել բոլոր հանգամանքները, որպեսզի աշխատանքների համար խոչընդոտներ չստեղծվեն:

Հարցին` եթե խոչընդոտներ չէին ստեղծվելու, այդ ինչո՞ւ են մեքենաներն այդքան ժամանակ պահվել, նախարարը պատասխանեց, որ ցանկացած ժամանակահատվածի համար որոշումներ կայացնելիս ելնում են տվյալ իրավիճակի խնդիրներից, առաջնահերություններից և լուծման կարևորությունից. «Այս համատեքստում, կարծում եմ, որ որոշումները ճիշտ են»:

Դիտարկմանը, թե արտասահմանում պաշտոնյաներ կան, որոնք հեծանիվով են աշխատանքի գնում, միգուցե մեր պաշոտնյաններն էլ հետևեն այդ օրինակին, Արտեմ Ասատրյանն ասաց՝  կարծում է, որ ժամանակի ընթացքում խնդիրներն այդպես էլ լուծվելու են:

Ինչ վերաբերում է կադրերի կրճատմանը, նախարարը պատասխանեց, որ բոլոր հանձնարարականները, որոնք տրվել են վարչապետի կողմից, մանրամասն քննարկվելուց հետո կընդունվեն արդյունավետ և օպտիմալ որոշումներ ու լուծումներ:

Հարցին, թե արդյոք այդ կրճատումը լարվածություն չի առաջացնի, Արտեմ Ասատրյանը նշեց. «Կարծում  եմ, որ կայացվելիք որոշումներն այնպիսին կլինեն, որ սոցիալական լարվածություն  չեն առաջացնի»:

Ինչ վերաբերվում է աշխատատեղերի հետ կապված խնդիրներին, Արտեմ Ասատրյանը նշեց, որ պետք է աշխատանքի արտադրողականությունը բարձրացվի. «Բնականաբար, միշտ հարցադրումները ճիշտ ենք համարել, այդ թվում` ուղղված պետական կառավարման մարմինների աշխատանքի արտադրողականությանը: Դա նշանակում է, որ կոմպլեքս լուծման դեպքում բոլոր խնդիրները համապարփակ կլուծվեն, և հարցեր չեն առաջանա»:

Ա. Ասատարյանն ասաց նաև, որ կրճատումների կոնկրետ թիվ չեն կարող հիմա նշել,  վարչապետի որոշմամբ աշխատանքային խումբ է ստեղծվում պետական մարմինների ներկայացուցիչների ներգրավմամբ, որոնք կիրականացնեն մանրամասն վերլուծություններ, ուսումնասիրություններ, որից հետո վարչապետին առաջարկներ կներկայացվեն: