Եկամտահարկի ուղղորդումը հիպոթեքային վարկի մարմանը զգալի խրախուսեց շուկան. Հ. Բաղդասարյան

Տնտեսություն 14:12 19/05/2016 Հայաստան

Եկամտահարկի ուղղորդումը հիպոթեքային վարկի մարմանը զգալի խրախուսեց շուկան. Հ. Բաղդասարյան

Կառավարության որոշումը շատ նպաստավոր էր և զգալի խրախուսեց հիպոթեքային շուկան: Այսօր լրագրողների հետ հանդիպմանը հայտնեց «Ակցեռն» անշարժ գույքի կոնցեռնի նախագահ Հակոբ Բաղդասարյանն՝ անդրադառնալով կառավարության որոշմանը, որով հնարավորություն ընձեռնվեց աշխատավարձի եկամտահարկն ուղղել հիպոթեքային վարկի մարմանը:

«Եթե համեմատությամբ նայենք զարգացող և զարգացած երկրների հետ, առայժմ բավականին անելիքներ ունենք, բայց այն որ քայլեր են կատարվում, դա արդեն ողջունելի մոտեցում է»,-նշեց նա:

Ինչ վերաբերում է անշարժ գույքի շուկայի ակտիվացմանը՝ Հակոբ Բաղդասարյանն ասաց, որ այդ մի գործոնը միայն բավարար չէ, բացի դրանից պետք է ամբողջական տնտեսությունը շատ լուրջ զարգացման փուլ վերցված լինի, որն էլ կանդրադառնա նաև անշարժ գույքի վրա. «Փոփոխություններ պետք է կատարվեն բանկային ոլորտում՝ մեղմացումներ, բարենպաստ ներդրումային միջավայր և այլն»:

«Եկամտահարկի ուղղորդումը հիպոթեքային վարկի մարմանը նպաստեց, որպեսզի բնակարանի կարիք ունեցող ընտանիքները տուն ձեռք բերելու առավել վստահ որոշում կայացնեն»,-նշեց «Ակցեռն» անշարժ գույքի կոնցեռնի նախագահը:

Նրա ներկայացրած փաստերով՝ տարեկան 100 հազար բնակարանների առքուվաճառքի գործարքի մեջ մոտ 2 հազար հիպոթեքային վարկերի ձևակերպումը չնչին ցուցանիշ է. «Շուկայի վրա սա էական ազդեցություն չի կարող ունենալ: Դրանք կազմում են ընդհանուր օտարումների հազիվ 2-3 տոկոսը, մինչդեռ տնտեսության վրա զգալի դեր ունենալու համար պետք է կազմեն մոտ 50 տոկոսը»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: