Ձեր վստահելի աղբյուրը

Նայելով Մերձավոր Արևելքի դրությանը, որտեղից միլիոնավոր մարդիկ են տեղահանվում, հարյուր հազարավոր մարդիկ են զոհվում, հասկանում ենք, թե որքան երջանիկ է Հայաստանը՝ ապրելով խաղաղության, համեմատաբար տնտեսական բարեկեցության մեջ,  վայելելով իր անկախությունը,- ՀՀ Նախագահի նստավայրում այսօր տեղի ունեցած  Հայաստանի Հանրապետության Նախագահի 2015 թվականի մրցանակների հանձնման արարողության ժամանակ ունեցած ելույթում ասաց «Ռոբերտ Պողոսյան և որդիներ» հիմնադրամի ներկայացուցիչ, սփյուռքահայ բարերար Ալբերտ Պողոսյանը:

Նշենք, որ ՀՀ նախագահի մրցանակների հովանավորն է «Պողոսյան» հիմնադրամը»:

Ա.Պողոսյանի խոսքով, պետք է լինել մշտարթուն, ճանաչել այն փխրունությունը, որով պատված են նման փոքր պետությունները:

«Իմ համեստ կարծիքով՝ մենք պետք է ունենանք լավ առաջնորդություն, որը մղում է երկիրը դեպի իրավունքի գերակայությունը բոլորի համար, կառուցում և համախմբում է իր ինստիտուտները,  խրախուսում է բոլոր բնակիչներին:

Ակնհայտ է, որ վատ առաջնորդությունը, թույլ պետական ինստիտուտներն այն պայմաններ են, որոնք հանգեցրեցին Մերձավոր Արևելքի այդ երկրների ապակայունացմանը և ողբերգությանը: Որպես գործարար առաջնորդ գիտեմ, թե ինչքան դժվար է լավ առաջանորդությունը:
Ես աղոթում եմ պարոն նախագահ, որ դուք մշտապես իրականացնեք այդ լավ առաջնորդությունը, կարողանաք պահպանել, պաշտպանել մեր սիրած Հայաստանը»,- ասաց Ա.Պողոսյանը: