Ձեր վստահելի աղբյուրը

«Ղույումչյանն ընդդեմ Հայաստանի» և  «Թովմասյանն ընդդեմ Հայաստանի» գործով  Մարդու իրավունքների եվրոպական դատարանի  վճիռների  համաձայն` ՀՀ կառավարության որոշմամբ 3600-ական եվրո կհատկացվի  Արդարադատության նախարարությանը: Վճռով սահմանված հատուցման գումարի վճարման վերջնաժամկետը 2016 թվականի հուլիսի 21-ն է:

Մեկ այլ նախագծով  3,630 (երեք հազար վեց հարյուր երեսուն) եվրոյին համարժեք դրամ էլ կհատկացվի՝ «Սաֆարյանն ընդդեմ Հայաստանի» գործով  2016 թվականի հունվարի 21-ի վճռի պահանջները կատարելու նպատակով:

Ինչպես գործադիրի այսօրվա նիստում նշեց  ՀՀ արդարադատության նախարար Արփինե Հովհաննիսյանը,  ՀՀ կառավարության որոշումն ընդունելու անհրաժեշտությունը պայմանավորված է Մարդու իրավունքների եվրոպական դատարանի վճիռներն անվերապահորեն կատարելու` Հայաստանի Հանրապետության կողմից Եվրոպայի խորհրդի առջև ստանձնած պարտավորության կատարման հրամայականով:   

Այս երեք վճիռների համար ՀՀ-ն կվճարի 10 հազար 830 եվրոյին համարժեք դրամ