Ձեր վստահելի աղբյուրը

Ամբողջ աշխարհից ավելի քան 100 բժիշկ բաց նամակով դիմել են Առողջապահության համաշխարհային կազմակերպության ղեկավարին՝ խնդրելով հետաձգել կամ տեղափոխել ամառային Օլիպմիական խաղերը, որոնք պետք է կայանան այս տարի Ռիո դե Ժանեյրոյում:  Այս մասին գրում է Ինտերֆաքս-ը: Բժիշկները խնդրում են գնալ նման քայլի` Զիկա վարակի տարածման վտանգի պատճառով:  

ԱՀԿ-ն հրապարակել է հայտարարությունը, որում ասված է, որ միլիոնավոր մարդիկ ճանապարհորդում են Հարավային Աֆրիկայի երկրներում, ինչը չի հանգեցնում համաճարակի բռնկման ամբողջ աշխարհում: Հիվանդության կանխման ամենալավ միջոցն է՝ ճանապարհորդության ընթացքում  հետևել հիգիենայի կանոններին:

Նշենք, որ «Զիկա»-ն հիմնականում մոծակի միջոցով է փոխանցվում, ու տարածման համար երկրում պետք է լինի տվյալ տեսակի մոծակը: Այդ տեսակի մոծակ Հայաստանում չկա: Հիվանդության այս տեսակը մարդուց մարդուն չի անցնում, այլ տարածվում է մոծակի միջոցով: Այժմ ՀՀ ԱՆ հիվանդությունների վերահսկման և կանխարգելման ազգային կենտրոնի կողմից աշխատանքներ են տարվում տենդի հետ կապված ուղեցույցների պատրաստման և հանրությանը ներկայացման ուղղությամբ: Զիկա տենդի ախտանշաններն են՝ տենդ, ցան, հոդացավեր, շաղկապենու բորբոքում, մկանացավեր, գլխացավ: Զիկա տենդի գաղտնի շրջանը ստույգ հայտնի չէ, ենթադրվում է որ այն տևում է մի քանի օրից մինչև մեկ շաբաթ: Զիկա վիրուսով հարուցված միջին ծանրության հիվանդությունը տևում է մի քանի օրից մեկ շաբաթ: Վիրուսը արյան մեջ պահպանվում է մի քանի օր, սակայն որոշ հիվանդների արյան մեջ այն հայտնաբերվում է ավելի երկար: Մահվան դեպքեր հազվադեպ են գրանցվում: