Ձեր վստահելի աղբյուրը

ԵԱՀԿ Խորհրդարանական վեհաժողովի Հարավային Կովկասի հարցերով հատուկ ներկայացուցիչ Քրիստիան Վիգենինը պատրաստ է Լեռնային Ղարաբաղի հակամարտության խաղաղ կարգավորման համար խորհրդարանական մակարդակով ակտիվ խորհրդակցություններ ծավալել։  Այս մասին ասված է հատուկ ներկայացուցչի` Ադրբեջան կատարած երկօրյա այցելության արդյունքներով տարածված հաղորդագրության մեջ։

Բաքվում Քրիստիան Վիգենինը հանդիպումներ է անցկացրել Ադրբեջանի նախագահի, խորհրդարանի խոսնակի և ԱԳ նախարարի հետ։

«Վերջերս  ձեռք բերված պայմանավորվածությունները, մասնավորապես միջադեպերի հետաքննության մեխանիզմի ներդրման ԵԱՀԿ գործող նախագահի անձնական ներկայացուցչի գրասենյակի և նրա թիմի կարողությունների ավելացման վերաբերյալ դրական քայլեր։ Թե Հայաստանի, թե Ադրբեջանի իշխանություններին կոչ եմ արել մոտ ապագայում աշխատանքներ տանել այս ուղղություններով։ Խորհրդարանական մակարդակում մտադիր եմ շարունակել շփումներս տարածաշրջանի և այլ խորհրդարանականների հետ` մեծացնելու հակամարտության համապարփակ կարգավորման համար անհրաժեշտ քաղաքական կամքը», -ասել է Վիգենինը։

ԵԱՀԿ ԽՎ հատուկ ներկայացուցիչը վերահաստատել է նաև, որ ԼՂ հակամարտությունը չունի ռազմական լուծում և կոչ է արել բոլոր կողմերին դադարեցնել ագրեսիվ հռետորաբանությունն ու խաղաղության համար կառուցողական ջանքեր ձևավորելու դաշտ ստեղծել։  Վիգենինը աջակցություն է հայտնել նաև Մինսկի խմբին` որպես ԼՂ հակամարտության կարգավորման գործընթացի միակ ձևաչափ։

Հիշեցնենք, ավելի վաղ Քրիստիան Վիգենինն այցով գնվում էր Հայաստանում։