Ձեր վստահելի աղբյուրը

Հայաստանում դպրոցը ոչ թե կրթական հաստատություն է, այլ բիզնեսի աղբյուր։  Չարչրկված դրամահավաքներն այդպես էլ  ամբողջապես  արմատախիլ չարվեցին, այլ գործընթացն անցավ ընդհատակ։ Դպրոցներում ոչ պակաս շահութաբեր բիզնես է  համազգեստների գործը։  Շատ դպրոցներում  երեխաներին պարտադրվում է  կրել համազգեստ, որի համար ծնողներն ամեն տարի զգալի գումար են վճարում։ Այս մասին գրել է «168 Ժամ»-ը:

Թերթի  խմբակցություն ահազանգ  ստացվեց  Երևանի Նոր Նորք  վարչական շրջանի դպրոցներից մեկի  մի խումբ ծնողների, որ հերթական անգամ իրենք ստիպված են լինելու  12-16 հազար դրամ  վճարել աշակերտական  համազգեստի դիմաց։  Աղջիկների համար  կարվում է կիսաշրջազգեստ, փողկապ ու «ժիլետ», իսկ տղաների համար՝ տաբատ, փողկապ ու «ժիլետ»։  Սակայն ծնողները նշել են, որ հագուստը շատ անորակ  կտորից է կարվում, շուտ մաշվում է, իսկ չափսերն էլ տարվա կեսին արդեն  փոքր են լինում  երեխաների համար։  Նաև հագուստը բարակ կտորից է, և ձմռան ցուրտ  ամիսներին  երեխաները, միևնույն է, ստիպված են լինում համազգեստը փոխարինել  ջինսե տաբատներով։
Մանրամասները՝ թերթի այսօրվա համարում: