Ձեր վստահելի աղբյուրը

Այսօր Վրաստանում պաշտոնապես մեկնարկել է նախընտրական  քարոզարշավը,  համաձայն որի,  յուրաքանչյուր կուսակցություն  ունի քարոզչություն իրականացնելու իրավունք, ինչպես, օրինակ,  պաստառների, ցուցատախտակների տեղադրում,-գրում է «Ջավախք Ինֆո» տեղեկատվական հարթակը:

Հեռուստատեսությամբ  նրանց տրվելու է քաղաքական գովազդի անվճար եթերաժամ:
Ըստ  Վրաստանի Ընտրական օրենսգրքի, նախընտրական քարոզարշավի մեկնարկով ուժի մեջ է մտնում վարչական ռեսուրսի օգտագործման  սահմանափակումը.  բարձրաստիճան պաշտոնյաները չեն կարող մասնակցել կուսակցությունների քարոզարշավներին:

Նախընտրական քարոզարշավի կարգի մեկնարկը արդեն հրապարակվել է նախագահի աշխատակազմի կայքում:

Վրաստանի խորհրդարանի և Աջարիայի Ինքնավար Հանրապետության  Գերագույն խորհրդի ընտրությունները կկայանա հոկտեմբերի  8-ին:

Ըստ նախնական տվյալների, օրենսդիր մարմնի տեղերի համար կպայքարեն ավելի քան 30 կուսակցություններ: Կուսակցությունների գրանցումը տեղի կունենա  մինչև օգոստոսի 1-ը:
Վրաստանի նախագահ Գեորգի Մարգվելաշվիլին  ընտրությունը հոկտեմբերի 8-ին նշանակելու հրամանագիրը  ստորագրել  է հունիսի 3-ին:  Հունիսի 8-ին հրամանագիրը ստորագրել է նաև Վրաստանի վարչապետ Գիորգի Կվիրիկաշվիլին:

Վրացական լրատվամիջոցները նշում են, որ Վրաստանի պատմության մեջ սա կլինի նախընտրական ամենաերկար քարոզարշավը:

Ըստ Վրաստանի Սահմանադրության,  նախընտրական քարոզարշավը պետք է սկսվի ընտրություններից ավելի քան  60 օր առաջ: Սկզբում  նախագահն առաջարկել է  քարոզարշավը սկսել մայիսին, սակայն, կառավարության հետ քննարկումներից հետո, որոշում կայացվեց,  գումար խնայելու նպատակով,  քարոզարշավի տևողությունը հասցնել  չորս ամսի  և սկսել  հունիսի 8-ից: