Ձեր վստահելի աղբյուրը

Ուսումնասիրությունները ցույց են տալիս, որ բյուջետային միջոցներն ավելի արդյունավետ տնտեսելու համար առաջին հերթին  պետք է սկսել որակյալ նախագծում իրականացել: Ազգային ժողովում քաղաքաշինության ոլորտի 2015 թ. բյուջեի կատարման ընթացքը ներկայացնելով՝ ասաց քաղաքաշինության նախարար Նարեկ Սարգսյանը:  

Ըստ նրա, նախորդ տարվա ընթացքում  նախագծերի որակը բարձրացնելը դիտարկել են որպես կարևոր ոլորտ, և Հայաստանում առաջին անգամ ստեղծել են քաղաքաշինական բնագավառի քաղաքաշինական փորձաքննություն:

«Տարիներ շարունակ տարօրինակ բացթողում էր, քանի որ ցանկացած ոլորտ պետական փորձաքննություն ուներ, բացի քաղաքաշինության ոլորտից: Եզակի դեպք էր ամբողջ հարևան երկրների շրջանակում: Սա կբերի նրան, որ նախագծերը, հատապես միջին և բարձր  ռիսկայինության օբյեկտների, կանցեն լուրջ փորձաքննություն: Այստեղ հստակ կերևա, թե այն նախագծերը, որոնք արված են, շատ ավելի արդյունավետ լուծումներով ներկայանալու ինչքան ռեզերվ ունեն»,- ասաց նախարարը:

Ն. Սարգսյանը նաև  նշեց, որ ստեղծում են մասնագիտական հատուկ խումբ, որով այդ նախագծերը կանցնեն:

«Նկատել ենք շատ դեպքեր, երբ որ դպրոցներ են վերակառուցվում կամ նոր դպրոցներ են կառուցվում, կան շքեղություններ, որոնց կարիքն ուղղակի չկա: Նախագծերի մասով կունենանք լուրջ մոտեցումներ»,- ասաց նա:

Ն.Սարգսյանը կարևորեց նաև նոր տեխնոլոգիաների կիրառումը. «Եթե մենք տանիքների վրա օգտագործենք արևային էներգիայի մարտկոցներ, գնային առումով որևէ փոփոխություն չի լինի, բայց հսկայական տնտեսում է առաջանում շահագործման ծախսերի մեջ:  Հենց հիմա փոփոխություններ ենք  անում մի քանի մարզադպրոցների նախագծային լուծումներում՝ անպայման կիրառելով արևային մարտկոցներ:

Նախարարի ելույթն ամբողջությամբ՝  տեսանյութում: