Ձեր վստահելի աղբյուրը

2015 թվականի բյուջեի կատարողականը, նախորդ տարվա փաստաթղթի նման հուսահատ և տխուր փաստաթուղթ է: Այդ մասին այսօր Ազգային ժողովում քննարկման ժամանակ ունեցած ելույթում հայտարարեց ԱԺ պատգամավոր Նիկոլ Փաշինյանը:

«Այստեղ կան թվեր, տոկոսներ, անկումներ և նույնիսկ աճեր, բայց ինչպես նախորդ տարիներին, չկա ամենակարևորը՝ ռազմավարություն, ռազմավարական պատկերացում, թե մենք ինչպիսին ենք ուզում տեսնել, դարձնել մեր տնտեսությունը», -հավելեց խատգամավորը:

Նա 2015 թվականի 3 տոկոսանոց աճը համարեց «խղճուկ», որի 70 տոկոսը ապահովվել է գյուղատնտեսության հաշվին:

«Իսկ գյուղատնտեսության աճն էլ, ինչպես խոստովանում է կառավարությունը, մեծապես պայմանավորված է բնակլիմայական բարենպաստ պայմաններով: Այսինքն՝ եթե 2015 թվականին երկու հատ կարկուտ ավել գար, երկու անձրև պակաս, մեր երկրի 3 տոկոսանոց տնտեսական աճը 50 տոկոսով կկրճատվեր», -հայտարարեց պատգամավորը՝ ընդգծելով, որ գիտելիքահեն տնտեսություն հիմնելու մասին խոստումներից հետո «ՀՀԿ-ն ստեղծել է պամիդորահեն տնտեսություն»:

Ելույթն ամբողջությամբ՝ տեսանյությում