![](https://panorama.am/news_images/532/1594111_1/1661_fdc5531b3232f57990ce978b1571cad1.thumb.jpg)
Գևորգ Մանուկյան. «Ծնողներս ևս դեմ են, որ մեկնեմ Բաքու»
Ադրբեջանում կայացած 2015 թ. Եվրոպական խաղերի փոխչեմպիոն Գևորգ Մանուկյանը Ուկրաինայի հավաքականի կազմում չի մեկնի Բաքու, որտեղ հունիսի 16-25-ը կկայանա բռնցքամարտի օլիմպիական վարկանշային մրցաշար: Բռնցքամարտիկը haqqin.az-ին տված հարցազրույցում նշել է, որ իր անվտանգությունն ապահովելու երաշխիքներ Ադրբեջանը չի տվել:
«Ի տարբերություն նախորդ տարվա Եվրոպական խաղերի, այս տարի Բաքուն ինձ անվտանգության երաշխիքներ չի տվել: Հիմա ինչ-որ բան փոխելու համար ուշ է, և ես չեմ մեկնի Բաքու: Ծնողներս նույնպես դեմ են».- նշել է Մանուկյանը:
Ուկրաինայի հավաքականի գլխավոր մարզիչ Դմիտրի Սոսնովսկին համակարծիք է Գևորգի ծնողների հետ և չի ցանկանում իր սանին տեսնել վերոնշյալ մրցաշարում:
«Մանուկյանը» չի մասնակցի Բաքվի մրցաշարին: Հիմա Բռնցքամարտի ֆեդերացիայի հետ աշխատում ենք այն ուղղությամբ, որ նա մեկնի Վենեսուելա` WSB շարքի մրցաշարին մասնակցելու համար: Ինչ վերաբերվում է Բաքվին, ապա այնտեղ, կարծես, զինադադար է, բանակցություններ են ընթանում, բայց միևնույն է, դա հակամարտություն է: Մանուկյանի մեկնելը նպատակահարմար չէ: Հայաստանի բռնցքամարտի հավաքականը, որը հիմա Կիևում է, ևս չի մեկնի Բաքու»,- ասել է Սոսնովսկին:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան