![](https://panorama.am/news_images/532/1593708_1/37.thumb.jpg)
Կոմպոզիտորը տպավորված է խաչատրյանական մրցույթում իր ստեղծագործության մեկնաբանություններով
Այսօր եզրափակվում է Արամ Խաչատրյանի անվան 12-րդ միջազգային մրցույթի առաջին փուլը։ Այսօր երեկոյան ժյուրիի և հանդիսատեսի առջև հանդես կգան Հանկյոլ Յունը (Հարավային Կորեա), Տոսիֆումի Կանայը (Ճապոնիա), Միրան Վոպոտիչը (Խորվաթիա), Ջուն Սան Պարկը (Հարավային Կորեա/Գերմանիա)։
Արամ Խաչատրյան-մրցույթ» մշակութային հիմնադրամի տեղեկացմամբ, բԲոլոր 12 դիրիժորները մրցույթի առաջին փուլում ներկայացնում են Հայդնի, Արամ Խաչատրյանի ստեղծագործություններից, ինչպես նաև Էդուարդ Հայրապետյանի՝ հատուկ մրցույթի համար գրված գործը։
Էդուարդ Հայրապետյանը նշել է, որ արդեն ունկնդրել է իր ստեղծագործության մեկնաբանությունները 8 դիրիժորների կողմից։ Կոմպոզիտորը նկատում է, որ այն տպավորությունն է ստացել, որ տարբեր երկրներից ժամանած դիրիժորներից յուրաքանչյուրն ինչ-որ յուրահատուկ բան է ավելացնում գործին՝ իր բնավորությունը, կոլորիտը, էսթետիկական պատկերացումները։
«Ինձ համար այս ամենը շատ հետաքրքիր մի պրոցես է։ Գործն այդ կատարումների շնորհիվ զարմանալի ձևով հարստանում է»,- ասում է Էդուարդ Հայրապետյանը՝ ավելացնելով, որ շատ բարձրակարգ դիրիժորներ են հանդես գալիս մրցույթի շրջանակներում, և ինքը տպավորված է իր ստեղծագործության մեկնաբանություններով։
Մրցույթի երկրորդ փուլը կմեկնարկի հունիսի 11-ին։ Աղբյուրը հիշեցնում է, որ Արամ Խաչատրյանի անվան միջազգային մրցույթը 2013 թվականից Միջազգային մրցույթների համաշխարհային ֆեդերացիայի անդամ է։ Մրցույթն անցկացվում է ՀՀ Նախագահի տիկին Ռիտա Սարգսյանի բարձր հովանու ներքո։ Երաժշտական այս իրադարձությունը կազմակերպել են ՀՀ մշակույթի նախարարությունը, «Արամ Խաչատրյան-մրցույթ» մշակութային հիմնադրամը և Երևանի Կոմիտասի անվան պետական կոնսերվատորիան։
Մրցույթի գլխավոր գործընկերն է ԱՊՀ Հումանիտար համագործակցության միջպետական հիմնադրամը (МФГС)։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան