![](https://panorama.am/news_images/532/1593521_1/1.thumb.jpg)
Հողաշերտի խաթարում՝ հուշարձանի տարածքում
Սյունիքի մարզի Ոչեթի / նախկինում Հաջեթի/ լքված գյուղի հյուսիսային եզրին՝ բլրի վրա գտնվող միջնադարյան գերեզմանոցում /պետ. ցուցիչ` 8.106.2.1 /, հողաշերտի խաթարում էր տեղի ունեցել: Այս մասին տեղեկանում ենք «Պահպանության ծառայություն» ՊՈԱԿ-ի պաշտոնական կայքից:
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ՊՄՊ Սյունիքի մարզային ծառայության պատասխանատուները Գեղի և Նոր Աստղաբերդ համայնքների հուշարձանների տարածք օրերս կատարած շրջայցի ընթացքում արձանագրել էին, որ տեղաշարժվել էր հուշարձանի հյուսիս-արևելյան եզրին գտնվող տապանաքարը, արտաքին դիտարկումով՝ մոտ 1.5 մ խորության փոս էր փորվել: Կուտակված հողաշերտի վրա առկա էին մարդկային ոսկորներ, գերեզմանի տապանաքարը տեղում չէր:
ՊՄՊ մարզային ծառայության հուշարձանների պահապանը ս.թ. մայիսի 16-ին գերեզմանոցի տարածք կատարած վերջին շրջայցի ընթացքում որևէ խախտում չի արձանագրել:
«Պահպանության ծառայություն» ՊՈԱԿ-ի ՊՄՊ Սյունիքի մարզային ծառայությունը փաստի առիթով դիմել է ՀՀ ոստիկանության Կապանի բաժնի պետ Ա. Դավթյանին` հուշարձանին վնաս պատճառած անձին /անձանց/ հայտնաբերելու և օրենքով նախատեսված կարգով պատասխանատվության ենթարկելու համար:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան