Ձեր վստահելի աղբյուրը

Ազգային ժողովում Հարկային  նոր օրենսգքրի նախագծի քննարկումների ժամանակ  ՀԱԿ խմբակցության  ղեկավար Լևոն Զուրաբյանը հայտարարեց, որ իրենց փորձագետին վաղը հրավիրել են հենց այս օրենսգրքի քննարկմանը:

«Այսինքն՝ առաջին ընթերցմամբ ընդունում ենք այսօր, բայց քննարկումները սկսվում են վաղը: Բացատրում են՝ Համաշխարհային բանկի պահաջով պետք է ինչ-որ վերջնաժամկետի մեջ տեղավորվենք, լուրջ մի վերաբերվեք, քննարկումների համար  ճանապարհը բացված է, ավելի լուրջ քննարկումներ  կլինեն: Համաշխարհային բանկի  պահանջով  շտապողականության մեջ ընկնելը,  մեր կարծքիով, ամոթալի իրողություն է»,- նշեց նա:

Ըստ Լ. Զուրաբյանի, պարզ է, որ այս պահին գանձնարանը դատարակ է, կառավարությունն, ըստ էության, բավականին հուսահատ քայլեր է կատարում, որ կարողանա գանձնարանը լցնել:

«Շատերի կողմից այս Հարկային օրենսգիրքն ընկալվում է որպես քերթողական քաղաքականության մի նոր դրսևորում: Տեսաք, թե ինչքան ծանր ռեակցիա եղավ,  ընդ որում ապստամբությունը գալիս է ոչ միայն արմատական ընդդիմության, նաև Հանրապետական ճամբարից: Որովհետև հակառակ Սահմանադրության պահանջների, պառլամենտում առկա պատգամավորներից երևի կեսից ավելին   ոչ միան պատգամավորներ են, նաև ձեռքի հետ բիզնեսներ ունեն, մեծ ձեռնարկատերեր են, ոմանք անգամ լրջագույն մենաշնորհների տեր:

Հիմնական պատաճառը, թե ինչու է այսօր Հայաստանը գիշատիչ, քերթիչ, կեղեքիչ պետություն, նրանում է, որ Հայաստանում այս ապօրինի մենաշնորհը, կոռուպցիան  արմատավորվել են և աղճատել ամբողջ քաղաքական և տնտեսական համակագը»,- ասաց ընդդիմադիր պատգամավորը:

Լ. Զուրաբյանի խոսքով, իրականում խնդիրն այն է, որ եթե անգամ ընդունվի Հարկային լավագույն  օրենսգիրքը, քաղաքականության իրականացումը լինելու է խտրական, եթե պահպանվի այս համակարգը:

«Օլիգարխին սպասարկելու են հարկային նույն տեսուչները, վախենալու են մոտենալ օլիգարխին, մենաշնորհային պաշտոնյանին, իսկ գանձարանի խնդիրները լուծվելու են սովորական բիզնեսմենի հաշվին, ինչն այսօր կատարվում է Հայաստանում»,- ասաց նա՝ ընդգծելով, որ գլխավոր նպատակը պետք է լինի գիշատիչ պետությունից վերածվել զարգացողական պետության:

Դրա  համար, ըստ նրա, խնդիրը հնարավոր չէ լուծել միայն Հարկային օրենսգրքի փոփոխությամբ, անհարժեշտ են լուրջ  արմատական փոփոխություններ:

Մանրամասները՝ տեսանյութում: