Ձեր վստահելի աղբյուրը

«Բյուջեի կատարողականին դեմ եմ քվեարկել և կարծում եմ, որ դրանով հայտնել եմ իմ դիրքորոշում, այն ինչ-որ կատարվել է «Ժառանգությանը» չի բավարարում»,-այս մասին այսօր լրագրողների հետ հանդիպմանը հայտարարեց ԱԺ «Ժառանգություն» խմբակցության պատգամավոր Զարուհի Փոստանջյանը:

Ինչ վերաբերում է հարցին, արդյո՞ք պետք է այն ռազմաարդյունաբերական ուղղվածության լինի, պատգամավորը նշեց. «Խորհրդային Հայաստանում գիտական ներուժով Հայաստանն առաջատարներից է եղել և հիմա էլ մեր երկրում կա այդ գիտական ուժը, որի առաջարկները, սակայն իշխանության կողմից ըստ արժանվույն չեն գնահատվել, այլապես, մենք կարող էինք զարգացած ռազմաարդյունաբերության ոլորտ ունենալ: Մենք ինքներս կարող էինք դրոնների արտադրություն ունենալ և ոչ միայն պաշտպանել մեզ, այլ դրանք վաճառել և գումար վաստակել»:

Խոսելով Հայաստանի ու Ռուսաստանի միջև հակաօդային պաշտպանության միավորված համակարգ ստեղծելու համաձայնագրից, Փոստանջյանը կարծիք հայտնեց, որ այնպիսի տպավորություն է, որ Ռուսաստանն անընդհատ ցանկանում հայտարարել, որ ինքն այս տարածքում տեր ու տիրական է և երբևիցե չի հեռնալու այստեղից:

«ՀՕՊ համաձայնագրով մենք մեր իրավունքները զիջում ենք ՌԴ-ին, մինչդեռ սա ռազմավարական նշանակություն ունեցող գործառույթ է և ոչ մի դեպքում չպետք է անենք նման բան: Այսպիսի փաստաթղթերով Հայաստանի և Ռուսաստանի միջև պատշաճ գործընկերություն պատկերացնելն ուղղակի անիրատեսական է»,- ասաց պատգամավորը:

«Ժառանգության» ներկայացուցիչը խոսեց նաև ՌԴ արտգործնախարարության պաշտոնական ներկայացուցիչ Մարիա Զախարովայի՝ Գարեգին Նժդեհի արձանի տեղադրման մասին անդրադարձից:

«ՌԴ-ն  նախ պետք է հասկանա, որ ՀՀ-ն  անկախ պետություն է  և իրենց գործառույթների մեջ չէ մեր հերոսներին գնահատականներ տալը՝ մանավանդ, եթե այդ գնահատականները կապ չունեն իրականության հետ: Նրանք պետք է գնահատական տան իրենց խարանին՝ Լենինին, որն այսօր գտնվում է Կրեմլի սրտում և դեռ հողին հանձնված չէ: Նրա պատճառով է, որ հայապատկան հողերը  բաժանվել են Թուրքիայի և Ադրբեջանի միջև»,-նշեց պատգամավորը:

Նա նաև հավելեց, որ Նժդեհի գործն անգնահատելի է և նրա հեռատեսության շնորհիվ կարողացել ենք պահել մեր հայրենիքի անչափ կարևոր մի հատվածը: