Փոխնախարարը համաձայն է պատգամավորի առաջարկի հետ

Հասարակություն 17:44 14/06/2016 Հայաստան

Փոխնախարարը համաձայն է պատգամավորի առաջարկի հետ

Անկախ պատգամավոր Էդմոն Մարուքյանը կողմ է քվեարկելու «Հայաստանի Մ6 միջպետական ճանապարհ» ֆինանսական պայմանագրին, քանի որ կարծում է` հնարավոր չէ այլ տարբերակով այդ ճանապարհը, թունելները, կամուրջները վերանորոգել:

«Եթե մնա, որ պետությունը բյուջեից միջոց գնի՝, դա չի լինելու, մենք հնարավորություն չունենք»,- նշեց նա:

Հիշեցնենք, որ ԱԺ-ում քննարկվում է Հայաստանի և Եվրոպական ներդրումային բանկի միջև ստորագրված «Հայաստանի Մ6 միջպետական ճանապարհ» ֆինանսական պայմանագիրը: Եվրոպական ներդրումային բանկի վարկային ծրագրով նախատեսվում է վերականգնման և արդիականացման աշխատանքներ կատարել Վանաձորի քաղաքային գոտում, Վանաձոր-Ալավերդի հատվածում, Ալավերդու քաղաքային գոտում և Ալավերդի-Վրաստան սահմանի հատվածում:

Պատգամավորի խոսքով, Լոռու մարզի տարբեր համայնքներում մարդիկ սպասում են այդ շինարարությունը, ողջունում են, բայց մտավախություն ունեն, որ բանվորիներին Երևանից կբերեն: Է.Մարուքյանը նշեց, որ պետք է պարտադիր պայման դրվի, որ շինարարական աշխատանքներում ներգրավվեն տեղացի բնակիչները:

ԱԺ փոխնախագահ Էդուարդ Շարմազանովը նույնպես կարևորեց տեղացիների մասնակցությունը շինարարական աշխատանքներին:

«Շատ կարևոր է, որ բանվորական ուժը լինի այն համայնքներից, որտեղ ընթանալու են շինաշխատանքները»,- նշեց նա:

Հիմնական զեկուցող ՀՀ տրանսպորտի և կապի նախարարի առաջին տեղակալ Արթուր Առաքելյանն ասաց, որ նախապատվությունը տրվելու է տեղացիներին:

«Հաշվարկել ենք, որ շուրջ 300 հոգի բանվորական աշխատատեղ կստեղծվի: Հետամուտ ենք լինելու, պակաս չենք կարևորում: Այո, համաձայն ենք ձեզ հետ»:

Մանրամասները՝ տեսանյութում:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: