Ձեր վստահելի աղբյուրը

«Կեղմ եմ քվեարկել՝ ասելով, որ համամիտ եմ այս սկզբունքներին, բայց այս բոլորը պետք ա փոխվի: Օրենսգրքի փիլիսոփայությանը ես կողմ եմ, բայց կան դրույթներ, որ սխալ են», -այսօր Ազգային ժողովում լրագրողների հետ ճեպազրույցում մեկնաբանելով իր քվեարկությունը, ասաց ԱԺ սոցիալական հարցերի մշտական հանձնաժողովի նախագահ, Հանրապետական խմբակցության անդամ Հակոբ Հակոբյանը:

Երեկ, հիշեցնենք, Հակոբ Հակոբյանը Հարկային օրենսգրքի նախագծի քննարկման ժամանակ բուռն քննադատության էր ենթարկել կառավարության ներկայացրած նախագիծը՝ ընդգծելով, որ այն խորացնում է գործազրկությանը և հնարավորություն չի տալիս աշխատատեղեր ստեղծելուն:

«Այն տրամաբանությունը, որ դրել եք օրենսգրքի հիմքում՝ եկամտահարկը 28 տոկոս, շահութահարկը 20 տոկոս, դիվիդենտից գանձումը 5 տոկոս՝ չի աշխատելու: Գործատուին ձեռք է տալիս  28 տոկոսի փոխարեն վճարել 20  պլյուս 5 տոկոս: Սա է տրամաբանությունը, որ դրված է օրենսգրքում: Չի աշխատելու: Իմ հաշվարկներով, դիվիդենտի գանձումից առաջացող հարկային մուտքը կարող է լինել մաքսիմում 1,5 միլիարդ: Սկզբի համար, հետո ավելի քիչ կլինի: Լավ,  արժի՞ այդ 1,5 միլիարդի համար Հայաստանի դարձնել դիվիդենտը հարգող պետութուն: Իրապես չարժի», -մասնավորապես ասել էր պատգամավորը:

Նա ասաց, որ մինչև երկրորդ ընթերցում հնարավոր է բովանդակային առաջարկություններ ներկայացնել և քնանրկումների արդյունքում դրանք կընդունվեն:

«Ահա ես հիմա քննարկումից եմ դուրս գալիս մի շատ կարևոր հարցի շուրջ համաձայնություն արդեն ձեռք բերվեց, որը վերաբերում էր հարկատուի և ստուգող մարմինների անհամաձայնությունների դեպքում առաջնությանը: Սա շատ կոնցեպտուալ հարց էր: Եթե օրենսգրքում կան հակասություններ, դրանց համար գործատուն պետք է պատասխան չտա, սա շատ կարևոր հարց է», -ներկայացրեց Հակոբյանը: