Ձեր վստահելի աղբյուրը

Եթե մենք գնում ենք խորհրդարանական կառավարման ձևի, պետք է սովորենք միասին աշխատել, քանի որ խորհդաանական կառավարման ձևը ենթադրում է շատ ակտիվ համատեղ աշխատանք,- այսօր համատեղ հայտարարության ստորագրումից առաջ ասաց կառավարության աշխատակազմի ղեկավար-նախարար Դավիթ Հարությունյանը։

Նա նկատեց, որ աշխատանքը հեշտ չի եղել և հիշեց, որ «4+4+4»  ձևաչափի շրջանակներում ձախողման հնարավորությունը մեծ է եղել, բայց, նրա խոսքով, կողմերը կամք գտան հաղթահարելու, առաջ գնալու։

«Դա հենց այն էր, ինչ կոչվում էր կոնսենսուս, փոխհամաձայնություն, երբ յուրաքանչյուր կողմը չի ստանում այն ամենը, ինչ ենթադրում էր և գնում է որոշակի զիջումների ու ստանում որոշակի խնդիրների լուծում։ Սա անգնահատելի փորձ էր։ Հուսամ, որ Հայաստանի ապագան միշտ ենթադրելու է քաղաքական ուժերի՝ անկախ նրանից կլինեն իշխանական, թե ընդդիմադիր, համատեղ աշխատանք», -հայտարարեց Հարությունյանը՝  շնորհավորելով ներկաներին։