Ձեր վստահելի աղբյուրը

Եվրոպական Միության կազմից Մեծ Բրիտանիայի դուրս գալը չի ազդի երկրի՝ ՄԱԿ-ին անդամակցությունը: Այդ մասին հայտարարել է Ֆրանսիայի նախագահ Ֆրանսուա Օլանդը:

Նա, РИА Новости գործակալության փոխանցմամբ, միաժամանակ նկատել է, որ Մեծ Բրիտանիայում տեղի ունեցած քվեարկության հետ կապված «ամբողջ աշխարհի մոտ հարց է առաջացել՝ ինչ է լինելու հետ»:

Ֆրանսիայի ղեկավարը ցավ է հայտնել քվեարկության նման ելքի կապակցությամբ ու նշել, որ հարգում է ժողովրդավարության պայմաններում կայացված նման որոշումը և դարձյալ կոչ արել եզրակացություններ անել ստեղծված իրավիճակից:

«Եվրոպական միության կոնտեքստում մենք պետք է այժմ կազմակերպենք այդ բաժինը, բայց պետք է դա անենք ըստ պատշաճի և համաձայնագրով ընդունված կանոնների համաձայն», -հայտարարել է Օլանդը:

Նա ընդգծել է, որ Ֆրանսիան մտադիր է պահպանել Մեծ Բրիտանիայի հետ հարաբերությունները՝ ինչպես տնտեսական, այնպես էլ միգրացիայի և պաշտպանության հարցերում:

Պաշտոնական տվյալների համաձայն, ԵՄ-ից դուրս գալուն՝ Brexit-ին կողմ քվեարկել էր 51.9 տոկոսը, իսկ քվեարկության մասնակցությունը կազմել է 72.2 տոկոս: Վարչապետ Դեվիդ Քեմերոնը, որը կոչ էր արել պահպանել անդամակցությունը ԵՄ-ին, հանրաքվեի արդյունքներն հայտարարելուց հետո հայտարարեց, որ հոկտեմբերին հրաժարական կտա: