Ձեր վստահելի աղբյուրը

Հայաստան-ԱՄՆ ուղիղ չվերթների իրականացումը տնտեսական և բիզնես գործոնների վրա պետք է հիմնված լինի, ես կցանկանայի այդ հավանականությունը տեսնել: Եթե դա լինի, ապա այն կլինի բիզնես որոշում,- Aysor.am-ին և «Արմենիա» հեռուստաընկերությանը տված հարցազրույցում ասել է ԱՄՆ փոխպետքարտուղարի Եվրոպայի ու Եվրասիայի հարցերով տեղակալ Բրիջիթ Բրինքը:

Նա նշել է, թե  տեսնում է այն բարեփոխումները, որ արվել են Հայաստանում բաց երկնքի քաղաքականության ոլորտում, և՝    Հայաստանից և հակառակ ուղղությամբ շատ թռիչքներ իրականացնելու հնարավորություն։  

Հնարավորություն ասելով նա նկատի ունի. «Երբ Հայաստանի տնտեսությունը, տուրիստական բիզնեսը աճի, եթե Հայաստանը դառնա տարածաշրջանի առաջատարը, ինչը կլինի ֆանտաստիկ, երբ վերացվեն պոտենցիալ խոչընդոտները՝ ինչպիսիք են կոռուպցիան, դատական համակարգը լինի անկախ, տարածաշրջանային հակամարտությունները լուծվեն, այդ դեպքում ամեն ինչ հնարավոր է»:

Բրիջիթ Բրինքը նաև հայտնել է,թե իրենքք աջակցում են Հայաստանին «ընտրության հնարավորությունների հարցում, բայց դա բիզնես որոշում է և կկայացվի բիզնեսի գործոններից ելնելով»։

Հարցազրույցը ամբողջությամբ՝ Aysor.am-ում։