Ձեր վստահելի աղբյուրը

Այսօր հանրային բացարձակ անվստահություն կա ընտրական գործընթացների հանդեպ: Եթե նժարին դրված է ընտրություններում հանրային վստահության խնդիրը, ի՞նչն է խանգարում Հայաստանի կառավարությանը, իշխանություններին, պակասող գումարը՝ մոտ 4,5 միլիոն եվրո, գտնել և լուծել կարևորագույն խնդիրը, եթե դոնոր կազմակերպությունները չտրամադրեն,- այսօր Ազգային ժողովի արտահերթ նիստում Ընտրական օրենսգրքում փոփոխություններ կատարելու մասին նախագծի քննարկման ժամանակ  նման հարցով հանդես եկավ   ԲՀԿ խմբակցության ղեկավար Նաիրա Զոհրաբյանը:

Օրինագծի հիմնական զեկուցող կառավարության աշխատակազմի ղեկավար-նախարար Դավիթ Հարությունյանն ասաց, որը գումարը ոչ միայն ծավալային, քանակային առումով է անհրաժեշտ, այլ նաև անհրաժեշտ է ժամանակի, որպեսզի չձախողեն գործընթացը:

«Հընթացս այդ գումարը պետությունը, կառավարությունը չունի: Եթե ունենա մյուս կամ այն մյուս տարի, ոչ մեկին  դա չի հետաքրքրում»,- ընգծեց նա:

Դ. Հարությունյանի խոսքով, 4+4+4 ձևաչափի մասնակից ուժերը համաձայնագիրը ստորագրելուց նման հարց չեն բարձրացրել: 

«Եթե բարձրացնեիք նման հարց, մենք կասեինք, որ կառավարությունը պատրաստ չէ լրացուցիչ գումարներ տրամադրել: Մենք բոլորս հանգել էինք մեկ այլ եզրակացության, որ այս համաձայնագիրը ստորագրելով՝ բոլորս միասին դիմում ենք դոնոր հանրությանը, ավելին՝ ամրագրել էինք, որ եթե ֆինանսական միջոցներ չեղան, ապա այս համաձայնագիրն առ ոչինչ է: Մենք դա քննարկել էինք: Չեմ կարծում, որ դա ճիշտ մոտեցում է՝ ստորագրելուց հետո ասել՝ դե լավ, ինչո՞ւ կառավարությունն այս գումարը չի հայթայթում: Առաջարկում եմ հավատարիմ մնալ մեր համաձայնագրին, ինչ ստորագրել ենք, դա էլ տանել առաջ:

Այս ընտրություններն անկախ ամենից, նստելու են պետության վրա մի քանի անգամ ավելի թանկ, քան բոլոր նախկին ընտրությունները:  Չեմ կարծում՝ ճիշտ է լրացուցիչ բեռ դնել մեր ուսերին»,-ասաց Դ. Հարությունյանը:

Մանրամասները՝ տեսանյութում: