Ձեր վստահելի աղբյուրը

Հայաստանը և Ռուսաստանը ռազմավարական դաշնակիցներ են և պետք չէ զարմանալ, որ այդ երկրները միավորված ՀՕՊ համակարգ են ստեղծում: Այդ մասին այսօր ԱԺ-ում հայ-ռուսական ՀՕՊ համակարգի ներդրման մասին համաձայնագրի քննարկման ժամանակ իր ելույթում հայտարարեց ԱԺ փոխնախագահ Էդուարդ Շարմազանովը:

«Հայաստանի բոլոր երեք նախագահների ժամանակ հայ-ռուսական դաշնակցությունը եղել առանցքային: Ինչի՞ եք զարմանում, որ Ռուսաստանի հետ միավորված ՀՕՊ համակարգ ենք ստեղծում: Մենք նման համակարգ ստեղծում ենք մի երկրի հետ, որի հետ ունենք դաշնակցային ռազմավարական խորը հարաբերություններ», -հայտարարեց խորհրդարանի փոխխոսնակը:

Նա պնդեց, որ 2011 թվականից հետո հայ-ռուսական հարաբերությունները սպառազինության ոլորտում «շատ զարգացել են»:

«Այնքան սպառազինություն արտոնյալ պայմաններով 2011 թվականից այս կողմ, որ մենք ստացել ենք դաշնակից Ռուսաստանից, որևէ մեկը չի կարող նշել մի երկիր, որը դրա կամ 5 կամ 10 տոկոսի չափով ստացել է: Հետևաբար սպառազինության ոլորտում հայ-ռուսական դաշնակցային հարաբերություններն արդարացված են ու պետք է շարունակվեն», -հավելեց Շարմազանովը:

Մանրամասն՝  տեսանյութում